+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

شەكارادان كىرىپ- شىعۋدىڭ شارتتارى جەڭىلدەتىلدى

20 قازان 11:10
:ءبولىسۋ
شەكارادان كىرىپ- شىعۋدىڭ شارتتارى جەڭىلدەتىلدى

نۇر-سۇلتان. قازاقپارات - ق ر ۇكىمەتىنىڭ جانىنداعى كوروناۆيرۋستى تاراتپاۋ جونىندەگى ۆەدومستۆوارالىق كوميسسيا مەملەكەتتىك شەكارادان كىرىپ-شىعۋدىڭ شارتتارىن جەڭىلدەتتى، دەپ حابارلايدى قازاقپارات ءتىلشىسى.

بۇل تۋرالى ق ر ۇلتتىق قاۋىپسىزدىك كوميتەتى شەكارا قىزمەتى حابارلادى.

«COVID-19 پاندەمياسىنا بايلانىستى مەملەكەتتىك شەكارانى كەسىپ وتۋدەگى شەكتەۋلەر جالعاسادى. 2021 -جىلدىڭ 13-قازانىندا قازاقستان ۇكىمەتىنىڭ جانىنداعى كوروناۆيرۋستى تاراتپاۋ جونىندەگى ۆەدومستۆوارالىق كوميسسيا كارانتين شەكتەۋلەرى كەزەڭىندە مەملەكەتتىك شەكارانى كەسىپ ءوتۋدىڭ جاڭا ءتارتىبىن بەكىتتى. بۇل قۇجاتپەن knb.gov.kz ينتەرنەت رەسۋرسىنىڭ جانە رەسمي كانالداردىڭ «پايدالى سىلتەمەلەر» بولىمىنەن وقىپ تانىسۋعا بولادى»، - دەلىگەن شەكارا قىزمەتىنىڭ Instagram پاراقشاسىندا.

جاڭا ەرەجەدە ەل اۋماعىنان سىرتقا شىعۋدىڭ ءتارتىبى جەڭىلدەتىلدى. وتباسى مۇشەسىنىڭ نەمەسە جاقىن تۋىسىنىڭ قازاسىنا، قاتتى اۋىرىپ جاتقان تۋىسقانىن كورۋگە شىققان بولسا، قازاقستان ازاماتى شەكارانى جۇبايىمەن جانە كامەلەكەتكە تولماعان بالاسىمەن بىرگە وتە الادى.

ءبىراق بارا جاتقان تۋىسقانى مەن ونىڭ اراسىندا ەرلى-زايىپتىلىق، اتا- انا مەن بالا، اسىراپ العان نەمەسە اسىراپ الىنعان تۋىسقاندىق، تولىققاندى نەمەسە جارتىلاي اعايىندىلىق، اتا- اجە مەن نەمەرە سياقتى تۋىستىق قاتىناسى بولۋى كەرەك.


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات