ءۇندىستاندا جاس جۇبايلار تويلارىنا تەمىر ناۋامەن جەتكەن

نۇر-سۇلتان.قازاقپارات - تاسقىن سۋ توي تويلاۋعا كەدەرگى ەمەس. وسىلاي دەگەن ءۇندىستان تۇرعىندارى نەكە قيۋ ءراسىمىن وتكىزەتىن جەرگە جەتۋدىڭ امالىن تاپقان. عاشىقتار تۇراتىن كەرالا شتاتىنىنڭ كوشەلەرىن قازىر سۋ باسىپ جاتىر.

سوندىقتان ءارى - بەرى قاتىناۋ وڭاي شارۋا ەمەس. قۇتقارۋشىلار زارداپ شەككەن وڭىرلەرگە قايىقپەن بارىپ كومەك كورسەتىپ ءجۇر. ال جاس جۇبايلار ۇيلەنۋ تويىنا تەمىر ناۋامەن جەتكەن. ايتا كەتەيىك، قازىر ءۇندىستاننىڭ وڭتۇستىگىندە نوسەر جاۋىن تولاستاماي تۇر. سالدارىنان وڭىرلەردى سۋ باسىپ، كەيبىر جەردە لاي كوشكىنى جۇرگەن. اسىرەسە كەرالا شتاتىنداعى جاعداي قيىن. مۇندا تابيعات اپاتىنان 20-دان اسا ادام وپات بولدى.

راديحا، كۇيەۋ جىگىتتىڭ اناسى:

- ءبىز ۇيلەنۋ تويىنا الدىن - الا دايىندالدىق. ءدىن قىزمەتشىسى قازىر توي وتكىزۋگە قولايلى ۋاقىت ەكەنىن ايتتى. سوندىقتان سۋ تاسقىنىنا قاراماستان نەكە قيۋ ءراسىمىن وتكىزەمىز دەپ شەشتىك.

www.24.kz