قىزمەتىنەن كەتكەن وليمپيادا چەمپيونى مالىمدەمە جاسادى
وسىعان دەيىن ق ر مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ جەتەكشىسى سەرىك ساپيەۆ ءوز ەركىمەن قىزمەتىنەن كەتۋ تۋرالى شەشىم قابىلداعان.
«دوستار! مەن، سپورت جانە دەنە شىنىقتىرۋ ىستەرى كوميتەتى ءتوراعاسى قىزمەتىنەن ءوز ەركىممەن كەتۋگە شەشىم قابىلدادىم. مەن، وسى قىزمەتتى اتقارعان جىلدارى، جانىمدا كومەك ەتكەن بارشا باسشىلارعا جانە ارىپتەستەرىمە راحمەتىمدى بىلدىرەمىن! الايدا، ەلىمىزدىڭ سپورت سالاسىندا ەڭبەك ەتەتىن بولامىن»، - دەيدى ساپيەۆ ينستاگرام پاراقشاسىنا قالدىرعان جازباسىندا.
ەسكە سالايىق، سەرىك ساپيەۆ 2012-جىلى لوندوندا وتكەن جازعى ويىنداردىڭ التىن مەدالىمەن قوسا تۋرنيردىڭ ۇزدىك بوكسشىسىنا بەرىلەتىن ۆەل باركەر كۋبوگىن يەلەندى. سونىمەن قاتار، (2005، 2007) جىلدارى الەم چەمپيونى جانە (2007، 2009) جىلدارى ازيا چەمپيوناتىن جەڭىپ الدى.