بەكزات نۇرداۋلەتوۆ كارەراسىنا قاتىستى تۇبەگەيلى شەشىم قابىلدادى

نۇر-سۇلتان. قازاقپارات - بوكستان الەم چەمپيونى قازاقستاندىق بەكزات نۇرداۋلەتوۆ (2-0، 1 ك و) بولاشاعىنا قاتىستى شەشىم قابىلدادى، دەپ حابارلايدى Vesti.kz.

23 جاستاعى بوكسشى كارەراسىن كاسىپقويدا جالعاستىرماق، وسى سەبەپتى ول قازاقستاندىق ADAL Promotions كومپانياسىمەن ۇزاق مەرزىمدى كەلىسىمشارتقا وتىردى. بەكزاتتىڭ كەلەسى جەكپە- جەگى 6- قاراشاعا جوسپارلانىپ وتىر.

نۇرداۋلەتوۆ كاسىپقوي رينگتەگى ءبىرىنشى ايقاسىن 2020-جىلى قازاندا وتكىزىپ، ودان كەيىن تاعى ءبىر جەكپە-جەككە شىققان. بوكسشى ەكەۋىندە دە جەڭىسكە جەتكەن. العاشقىسىندا ول تانزانيالىق يبراحيم ماوكولانى (14-10-1، 9 ك و) ەكىنشى راۋندتا ەسىنەن تاندىردى، ال ودان كەيىن نيگەريالىق كابيرۋ توۆولاۆيدى (15-4، 12 ك و) تورەشىلەر شەشىمىمەن جەڭدى.

وسىدان كەيىن بەكزات قازاقستان قۇراماسىمەن توكيو وليمپياداسىنا اتتانىپ، كۇتپەگەن جەردەن ءبىرىنشى جەكپە-جەگىندە جەڭىلىپ قالدى. وسىلايشا، جارىس جولىنان شىعىپ قالعان بولاتىن.