دەنساۋلىق ساقتاۋ مينيسترلىگىندە ەكپە العان قىزمەتكەرلەر جوق دەگەن راس پا
ونىڭ اۆتورى بۇل اقپاراتتى ۆەدومستۆودا جۇمىس ىستەيتىن دوسىنان ەستىگەنىن ايتادى، دەپ حابارلايدى stopfake.kz.
«سونداي- اق ول ءوزى دە، ارىپتەستەرى دە ۆاكسينالاردىڭ زياندى جانە ءقاۋىپتى ەكەنىن جاقسى بىلەتىندىگىن مالىمدەگەن. مۇنىڭ بارلىعى وتىرىك» دەلىنگەن حابارلامادا. الدىمەن، اقپاراتتا فەيكتىڭ بارلىق بەلگىلەرى بار ەكەنىن اتاپ وتكەنىمىز ءجون: وندا ەل نەمەسە قالا اتاۋى كورسەتىلمەگەن.
«مينيسترلىك قىزمەتكەرىنىڭ» ەسىمى نەمەسە ونىڭ لاۋازىمى بەلگىسىز. مۇنداي ەرەكشەلىكتەردىڭ بولماۋى، ناقتى اقپاراتتىڭ بەرىلمەۋى جالعان اقپاراتتارعا ءتان. سوندىقتان ولاردى تەكسەرۋ جانە اقپاراتتىڭ باستاپقى دەرەككوزىن تابۋ قيىنعا سوعادى. StopFake.kz تۇسىنىكتەمە الۋ ءۇشىن ق ر دەنساۋلىق ساقتاۋ مينيسترلىگىنىڭ باسپا ءسوز قىزمەتىنە جۇگىنگەن.
ۆەدومستۆو ءوز قىزمەتكەرلەرى اراسىندا ك ۆ ي- گە قارسى ۆاكسيناتسيادان جاپپاي باس تارتۋ دەرەگى جوق دەپ حابارلادى. - دەنساۋلىق ساقتاۋ مينيسترلىگىنىڭ ورتالىق اپپاراتىندا جۇمىس ىستەيتىن مەملەكەتتىك قىزمەتشىلەردىڭ سانى - 205 ادام. ونىڭ ىشىندە 21 ادامدا مەديتسينالىق قارسى كورسەتىلىمدەر بار، ولاردىڭ قاتارىنا ءۇش اي بۇرىن اۋىرعاندار دا كىرەدى.
وسىلايشا، 184 ادام ۆاكسيناتسيالاۋعا جاتادى، ونىڭ ىشىندە 178 ادام ەكى كومپونەنتپەن ەگىلدى جانە 6 ادام ءبىرىنشى كومپونەنتتى الدى. قىزمەتكەرلەر 0 دەرلىك ۆاكسيناتسيالاندى، - دەپ حابارلادى مينيسترلىكتىڭ باسپا ءسوز قىزمەتى. دەمەك، حابارلامانىڭ قازاقستانعا ەشقانداي قاتىسى جوق جانە بارلىق بەلگىلەرى بويىنشا ول - فەيك )جالعان ( .