ۇلتتىق بانك تەڭگەنىڭ رۋبلگە قاتىستى السىرەۋى تۋرالى تۇسىنىك بەردى

نۇر-سۇلتان. قازاقپارات - مۇناي باعاسىنىڭ ءوسۋى كەزىندە تەڭگەنىڭ رۋبلگە قاتىستى السىرەۋى تۋرالى ۇلتتىق بانك ءتوراعاسىنىڭ ورىنباسارى ءاليا مولدابەكوۆا تۇسىنىك بەردى، دەپ حابارلايدى قازاقپارات.

سوڭعى ۋاقىتتا رۋبلگە قاتىستى تەڭگەنىڭ ايىرباستاۋ باعامى ايتارلىقتاي السىرەگەنى بايقالادى. رۋبل/تەڭگە جۇبىنىڭ تەپە- تەڭدىگى رۋبل ءۇشىن 6 تەڭگە بولاتىنداي جاڭا دەڭگەيگە قاراي ىعىسا باستادى.

«شىنىندا دا، بيىل ەكىنشى توقساننىڭ ورتاسىنان باستاپ تەڭگەنىڭ رەسەي رۋبلىنە قاتىستى ايىرباستاۋ باعامى ءبىرشاما السىرەدى. قازىرگى باعا بەلگىلەۋ جۇمادا ءبىر رۋبل ءۇشىن 5,98 - 6 تەڭگە دەڭگەيىندە بولىپ وتىر. ۇلتتىق ۆاليۋتانىڭ رەسەي رۋبلىنە قاتىستى بايقالىپ وتىرعان السىرەۋى ءبىرقاتار وبەكتيۆتى سەبەپتەرگە بايلانىستى. بىرىنشىدەن، بىرنەشە رەت اتاپ وتكەنىمىزدەي، ەكونوميكالىق بەلسەندىلىكتىڭ قايتا جاندانۋى جانە كەيىنگە قالدىرىلعان سۇرانىستىڭ ىسكە اسىرىلۋى - يمپورتتىڭ وسۋىنە اكەلەدى. رەسەي فەدەراتسياسىنىڭ جالپى يمپورتتاعى ۇلەسى جوعارى دەڭگەيدە بولىپ، 2021 -جىلعى قاڭتار- تامىزدا %40,7 دى قۇرادى، بۇل وتكەن جىلدىڭ ۇقساس كەزەڭىمەن سالىستىرعاندا 6,3 پايىزدىق تارماققا جوعارى»، - دەدى ءا. مولدابەكوۆا.

ەكىنشىدەن، جالعاسىپ كەلە جاتقان فيسكالدى ىنتالاندىرۋ مەن قولدا بار كىرىستىڭ ارتۋى اياسىندا بيزنەس پەن حالىق تاراپىنان سۇرانىس وسكەندە رەسەي تاۋارلارىنىڭ يمپورتى ۇلعايعانى بايقالادى. رەسەيدەن يمپورت بيىل ەكىنشى توقساننىڭ قورىتىندىسى بويىنشا 2020 -جىلعى ەكىنشى توقسانمەن سالىستىرعاندا %36,1 عا ۇلعايىپ، 4,2 ميلليارد ا ق ش دوللارىنا جەتتى، ال وسى جىلعى ەكىنشى توقساندا ۇقساس كورسەتكىش %2,4 بولعان ەدى.

«وسىلايشا، رەسەي تاۋارلارىنىڭ يمپورتىنا ارتقان ىشكى سۇرانىس تەڭگەنىڭ رۋبلگە قاتىستى باعامىنىڭ تەپە- تەڭدىگىن السىرەۋ جاعىنا قاراي ىعىستىرۋعا اكەلەدى. قازاقستاننىڭ قور بيرجاسىندا تەڭگە- رۋبل جۇبىمەن بيرجالىق ساۋدا- ساتتىق كولەمىنىڭ ۇلعايعانى دا رەسەي رۋبلىنە سۇرانىس وسكەنىن بىلدىرەدى: ماسەلەن، 2021 -جىلعى 1-توقساننىڭ ىشىندە ساۋدا- ساتتىقتىڭ ورتاشا كولەمى ءبىر ايدا 1,9 ميلليارد رۋبل بولدى، ال وسى جىلعى 3-توقساندا ول 5,2 ميلليارد رۋبلگە دەيىن ءوستى. سونىمەن قاتار ايىرباستاۋ پۋنكتتەرىندە جىلدىڭ باسىنان باستاپ رۋبلدى نەتتو- ساتۋدىڭ %26,6 عا وسكەنى بايقالادى»، - دەپ ءتۇسىندىردى ول.

«سىرتقى فاكتورلاردى دا قوسىمشا اتاپ وتكىم كەلەدى. جەكەلەگەن ەلدەردىڭ ءوندىرۋدى ۇلعايتۋدى كەشىكتىرۋى تەڭگە ءۇشىن دە، رۋبل ءۇشىن دە قولداۋ بولىپ سانالاتىن مۇنايدىڭ باعاسىنا جاڭا سەرپىن بەرەدى. ماسەلەن، دۇيسەنبىدە مۇناي باعاسى انگولا، نيگەريا مەن ازەربايجاندا ءوندىرۋدى ۇلعايتۋداعى كىدىرىستەرگە بايلانىستى وپەك+ ءوندىرىسىن %15 عا قىسقارتۋ جوسپارىن اسىرا ورىنداۋ تۋرالى حابارلامالار اياسىندا ءبىر باررەل ءۇشىن 86 دوللاردان استى. گازدىڭ جوعارى باعاسى جانە شەتەلدىك ينۆەستورلاردىڭ رەسەي فەدەراتسياسىنىڭ بورىش نارىعىنا قىزىعۋشىلىعىنىڭ ارتۋى دا مۇنايدىڭ جوعارى باعاسىنا قوسىمشا رەسەي رۋبلىنە قولداۋ كورسەتەدى. سوڭعى 4 ايدا بەيرەزيدەنتتەردىڭ ر ف ف ق و- عا (فەدەرالدى قارىز وبليگاتسيالارى) سالىمدارىنىڭ دەڭگەيى ارتىپ، 2021 -جىلعى قىركۇيەكتىڭ باسىندا %21,4 عا جەتتى»، - دەدى ۇ ب ءتوراعاسىنىڭ ورىنباسارى. ۇلتتىق بانك تەڭگەنىڭ رۋبلگە قاتىستى پاريتەتىن تارگەتتەمەيتىنىن، رۋبل/تەڭگە جۇبىنىڭ باعامى بۇدان ءارى دە نارىقتىق جاعدايلارعا بايلانىستى قالىپتاساتىنىن دا اتاپ وتكەن ءجون.

رەسەي تاۋارلارى يمپورتىنان بايقالعان ماكروەكونوميكالىق اسەرلەر

رەسەي تاۋارلارىنا ىشكى سۇرانىستىڭ ارتۋى تەڭگەنىڭ ايىرباستاۋ باعامىنا عانا قىسىم كورسەتىپ قويماي، سونداي-اق رەسەيدەن جىلدامداعان ينفلياتسيا يمپورتى ارقىلى قازاقستاندا تۇتىنۋ باعاسىنىڭ قوسىمشا وسۋىنە الىپ كەلەدى. رەسەي فەدەراتسياسىندا ينفلياتسيا قىركۇيەكتە 2020 -جىلعى جەلتوقسانداعى %4,9 دان سوڭعى 5 جىلداعى رەكوردتىق %7,4 عا دەيىن ءوستى.

قىركۇيەكتە رەسەيدە ازىق- تۇلىك ينفلياتسياسىنىڭ دەڭگەيى %9,2 عا دەيىن ءوستى، بۇل دا قازاقستانداعى ازىق- تۇلىك ينفلياتسياسىنىڭ وسۋىنە اسەر ەتتى. ءاليا مولدابەكوۆانىڭ ايتۋىنشا، رەسەيدەن كەلەتىن يمپورت كولەمىنىڭ ءوسۋى اياسىندا ورىن الاتىن تەڭگەنىڭ رۋبلگە شاققانداعى ايىرباستاۋ باعامىنىڭ السىرەۋى جانە ينفلياتسيا يمپورتى قازاقستان ەكونوميكاسى مەن سىرتقى ساۋدانىڭ قالىپتاسقان قۇرىلىمىن كورسەتەدى جانە مۇناي نارىعىنىڭ وڭ سەرپىنىنە قاراماستان تەڭگەنىڭ ءالسىز نىعايۋ سەبەپتەرىنىڭ ءبىرى بولىپ وتىر.

اۆتور: رۋسلان عابباسوۆ