ۆاي-فاي-دىڭ قانداي قاۋپى بار ەكەنىن بىلەسىز بە؟ ماماندار نە دەيدى؟

None
None
نۇر-سۇلتان. قازاقپارات – «مارستا ءومىر بار ما؟» دەگەندەي، بۇل سۇراق تا وتە اكتۋالدى بولىپ وتىر.

ادامدار ۆاي-فاي قۇرىلعىلارىنىڭ زيانى جايلى قاشاما مارتە ايتسا دا، ونى جۇمىس ورنىنا نەمەسە ۇيىنە ورناتاتىنداردى سانى ازايىپ جاتقان جوق. ويتكەنى، ادامدار بۇل ينتەرنەت جەلىسىنىڭ زيانىنا قاراعاندا، پايداسىن انىق كورىپ كەلەدى. ءبىراق، ونىڭ ادامعا زيانى بولۋى مۇمكىن بە؟ ءسىز قالاي ويلايسىز؟

جالپى، WI- FI سيگنالى دەگەنىمىز نە؟

Wi-Fi - بۇل ەلەكتروماگنيتتىك سيگنال. بەلگىلى ءبىر جيىلىكتەگى راديو سيگنالدارى ارقىلى ءارتۇرلى قۇرىلعىلاردىڭ ءوزارا ارەكەتتەسۋىن (اقپارات بەرۋدى) قامتاماسىز ەتەتىن سىمسىز تەحنولوگيا.


WI- FI سيگنالىنىڭ ادام اعزاسىنا اسەرى قانداي؟

«ۆاي-فاي زياندى ما؟» دەگەن سۇراقتى وتە اۋتۋالدى سۇراقتار ساناتىنا جاتقىزۋعا بولادى. مىسالى، «مارستا ءومىر بار ما؟» دەگەندەي عوي. ءبىراق، ول تۋرالى ناقتى مالىمەت جوق بولعاندىقتان، ەشكىم بۇل سۇراققا 100 پايىز سەنىممەن جاۋاپ بەرە المايدى. ياعني، ونى قولدانۋ قاجەت پە، كەرەك ەمەس پە، شەشىمدى اركىم ءوزى قابىلدايدى. دەگەنمەن، كوپتەگەن زەرتتەۋشىلەر ۆاي-فايدىڭ ىقتيمال قاۋىپتىلىگى قانداي ەكەنىن انىقتاۋعا تىرىسىپ، ءبىراز باس قاتىرعان.

سوندىقتان ولار ايتقان پىكىرلەردى كەلتىرەيىك: «Wi-Fi-دىڭ زيانى تۋرالى ايتاتىن بولساق، قاۋىپتى سيگنالدىڭ وزىنەن ەمەس، ونىڭ قۋات دەڭگەيىنەن قاراستىرعان ءجون. ەگەر، پروبلەمانى سيگنالدان كورىپ، قۇرىلعىنى وزىمىزدەن الىسقا ورناتار بولساق، بايلانىس دۇرىس ورناماي قالادى دا، سيگنال تاراتۋ قۋاتىن ودان سايىن ارتتىرۋعا تۋرا كەلەدى». «ۆاي-فاي سيگنالى كەز- كەلگەن ەلەكتروماگنيتتىك ساۋلە سياقتى ادام اعزاسىنا ەشقانداي پايدا اكەلمەيدى. ماسەلە ونىڭ قۋاتىنا بايلانىستى. دەمەك، ۆاي-فاي قانداي دا ءبىر مولشەردە زيان تيگىزەدى دەپ بولاۋعا بولادى».

ۆاي-فاي سيگنالىنىڭ ىقتيمال قاۋپى

كەي ساراپشىلار wi-fi-دان شاشىلاتىن ساۋلەلەر بالالاردىڭ وتە سەزىمتال اعزاسىنا تەرىس اسەرىن تيگىزەدى دەيدى. ولار بالالاردىڭ سۇيەگى قاتپاعان، جۇيكە جۇەسى تولىق قالىپتاسپاعانىن العا تارتادى. ولاردىڭ پىكىرىنشە، سىمسىز تەحنولوگيا بالالاردا موتوريكانىڭ تومەندەۋىنە، نازار اۋدارۋ پروتسەسىنىڭ السىرەۋىنە جانە ەستە ساقتاۋ قابىلەتىنىڭ ناشارلاۋىنا اكەلۋى مۇمكىن. ال، كەي دارىگەرلەر Wi-Fi ساۋلەلەرى ەرلەر دەنساۋلىعىنا، اتاپ ايتقاندا، پوتەنتسيال دەڭگەيىنە جانە شاۋەتىنىڭ ساپاسىنا زيان تيگىزۋى مۇمكىن ەكەنىن ايتادى. سونىمەن قاتار، قۋاتتى راديو سيگنالى جاسۋشالارعا دا اسەر ەتىپ، ولاردىڭ جاقىنداسۋىنا جانە جاسۋشاىشىلىك تەمپەراتۋرانىڭ جوعارىلاۋىنا ىقپال ەتۋى مۇمكىن كورىنەدى. ارينە، بۇل تەوريالاردىڭ عىلىمي دالەلى جوق، ءبىراق مامانداردىڭ قورقىنىشى جايدان- جاي پايدا بولمايدى عوي...

ۆاي-فاي نەگە زيانسىز بولۋى مۇمكىن؟

Wi-fi سيگنالى باسقا دا راديوتولقىندار سىندى ومىرىمزدە ءجيى كەزدەسەدى. مىسالى، تەلەديدار، راديو، ۇيالى تەلەفون دا راديو سيگنالدارىن قابىلدايتىن قۇرىلعىلار قاتارىنا جاتادى. سوندىقتان، Wi-Fi سيگنالدارىمەن زاقىم كەلتىرەتىن جالعىز گادجەت بولماۋى مۇمكىن عوي. سونداي- اق، عىلىمي- فيزيكالىق دالەلدەر بويىنشا، Wi-Fi قۇرىلعىسىنىڭ قۋاتى 63 ميلليۆاتتى قۇرايدى. ال، ءبىز كۇن سايىن قولداناتىن ۇيالى تەلەفوننىڭ قۋاتى 1 ۆاتت ەكەن. دەمەك، ول Wi-Fi قۋاتىنان ون ەسە كۇشتى بولىپ تۇر عوي. ونىڭ ۇستىنە، تەلەفون ءاردايىم قاسىمىزدا بولىپ، قالتامىزعا سالىپ جۇرەتىن بولساق، ۆاي-فاي الىستا تۇرادى. اڭگىمەنىڭ باسىندا ايتقانىمىزداي، بۇل دەرەكتەردىڭ بارلىعى ناقتى مالىمەت ەمەس. تەك سالىستىرمالى تۇردە ۇسىنىپ وتىرمىز.

دەنساۋلىق ساقتاۋ سالاسىنا جاۋاپتىلار نە دەيدى؟

جالپى، دەنساۋلىق ساقتاۋ سالىسىنا جاۋاپتى مەكەمەلەر ۆاي-فايدىڭ زيانى بار نەمەسە جوق دەپ رەسمي مالىمدەمە جاساماعان. ءبىراق، دارىگەرلەردىڭ كوپشىلىگى ەلەكتروماگنيتتىك ساۋلەلەنۋدەن، سونىڭ ىشىندە Wi-Fi سيگنالىنىڭ اعزاعا اسەرىن ازايتۋ ءۇشىن شارالار قابىلداۋعا كەڭەس بەرەدى. سونداي- اق، Wi-fi-دى باستاۋىش جانە ورتا مەكتەپتەردە قولدانباۋعا كەڭەس بەردى.


WI- FI- دىڭ زيانىن قالاي ازايتۋعا بولادى؟

ەگەر، ءسىز ۆايفاي زياندى دەپ تۇجىرىم جاساساڭىز، قاۋپىن ازايتۋ ءۇشىن الدىمەن ونى قولدانۋدان باس تارتا سالعان دۇرىس. ال، كومەگى قاجەت بولسا، ونى ادامداردان الىس جەرگە ورناتىڭىز. سوندا ءسىز ويلاعان سيگنال زيانى السىرەي تۇسەدى. سونىمەن قاتار، ساراپشىلار مىنانداي كەڭەستەر ۇسىنادى:

Wi-fi-دى ادام كوپ ۋاقىت بولمايتىن بولمەلەرگە ورناتىڭىز؛

Wi-fi-دى تۇندە ءوشىرىپ قويىڭىز؛

بالالار مەن جۇكتى ايەلدەردى Wi-fi-دىڭ قاسىنا كوپ جاقىنداتپاڭىز؛

Wi-fi ارقىلى كولەمى ۇلكەن اقپارات تاراتپاۋعا تىرىسىڭىز؛ مۇمكىندىگىنشە جوعارى سيگنالدىق Wi-fi-دى ساتىپ الماڭىز. البەتتە، ءار ادام تاڭداۋدى ءوزى جاسايدى.

ERNUR. KZ

سوڭعى جاڭالىقتار