كوروناۆيرۋس: ۋكراينادا قوعامدىق كولىك توقتاپ، وقۋ ورىندارى جابىلدى

نۇر- سۇلتان. قازاقپارات - كوروناۆيرۋس ينفەكتسياسىنىڭ ورشۋىنە بايلانىستى ۋكراينادا قوعامدىق كولىك توقتاپ، وقۋ ورىندارى جابىلسا، لاتۆيا كومەندانتتىق ساعات ەنگىزۋدى جوسپارلاۋدا.

بۇل تۋرالى قازاقستاندا COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ Telegtam-كانالىندا ايتىلدى، دەپ حابارلايدى قازاقپارات.

كيپردە كوروناۆيرۋسقا قارسى پرەپاراتتىڭ ءبىر دوزاسىن عانا العاندار ۆاكسينالانباعاندار قاتارىنا جاتقىزىلدى. ەرەجەنى كۇشەيتۋدىڭ سەبەبى ارالدا ءبىر كومپونەنتپەن شەكتەلگەن 11 مىڭ ادامنىڭ انىقتالۋى بولدى. دەنساۋلىق ساقتاۋ مينيسترلىگى تولىق كۋرسپەن سالىستىرعاندا، ۆاكسينانىڭ ءبىر دوزاسى ۆيرۋستان تولىق ساقتاي المايتىنىن مالىمدەدى.

ۋكراينانىڭ بەس وبلىسىندا كوروناۆيرۋسقا بايلانىستى ەپيدەميالىق قاۋىپتىڭ قىزىل دەڭگەيى ەنگىزىلدى. بۇل زاپوروجە، ودەسسا، دونەتسك، دنەپروپەتروۆسك جانە حەرسون وبلىستارى. قىزىل ايماقتا قوعامدىق كولىكتەر، ساۋدا ورتالىقتارى، تاماقتانۋ ورىندارى جۇمىسىن توقتاتادى، وقۋ ورىندارىنا بارۋعا تىيىم سالىنادى. لاتۆيا دەنساۋلىق ساقتاۋ مينيسترلىگىنىڭ باسشىسى ەلدە قاتاڭ لوكداۋن ەنگىزۋگە شاقىردى.

دانيەلس پاۆليۋتس التى ساعاتقا دەيىن قىسقارتىلعان جۇمىس كۇنىن ەنگىزۋدى جانە 19:00 دەن 06:00 گە دەيىن كومەندانتتىق ساعات ەنگىزۋدى ۇسىندى. سونداي- اق، كەز كەلگەن سپورتتىق، ويىن- ساۋىق، مادەني، اۋەسقويلىق، قوعامدىق، ءدىني جانە ساۋىقتىرۋ جينالىستارىن شەكتەۋ ۇسىنىلادى.