+7 (701) 759 90 19
USD 435.76 EUR 493.41
RUB 5.89 CNY 68.37
جاڭالىقتار

الماتى وبلىسىندا ساتۋشى دۇكەندە جانجال شىعارعان كليەنتتى ءولتىردى

18 قازان 21:59
:ءبولىسۋ
الماتى وبلىسىندا ساتۋشى دۇكەندە جانجال شىعارعان كليەنتتى ءولتىردى

تالدىقورعان. قازاقپارات - الماتى وبلىسىنىڭ پوليتسەيلەرى ماس ادامدى ءولتىردى دەگەن كۇدىكپەن دۇكەن ساتۋشىسىن ءىزىن سۋىتپاي ۇستادى، دەپ حابارلايدى قازاقپارات ءتىلشىسى.

الماتى وبلىستىق پوليتسيا دەپارتامەنتى باسپا ءسوز قىزمەتىنىڭ مالىمەتىنشە، 17- قازاندا ساعات 10:00 شاماسىندا قاراساي اۋداندىق ىشكى ىستەر ءبولىمىنىڭ كەزەكشى بولىمىنە قاراساي اۋدانى تۇرار اۋىلىنداعى دۇكەندەردىڭ بىرىنەن زورلىق-زومبىلىق بەلگىلەرى بار ەر ادامنىڭ ءمايىتى تابىلعانى تۋرالى حابارلاما كەلىپ ءتۇستى.

اتالعان فاكتى ق ر ق ك 99-بابى 1-بولىگى بويىنشا تىركەلگەن. وقيعا ورنىنا شىققان جەدەل-تەرگەۋ توبى اقپاراتتى راستادى. جۇرگىزىلگەن جەدەل-ىزدەستىرۋ شارالارىنىڭ ناتيجەسىندە تۇرار كەنتىنىڭ 54 جاستاعى تۇرعىنىنىڭ جەكە باسى انىقتالىپ، ودان كەيىن جىبەك جولى كەنتىنىڭ 39 جاستاعى تۇرعىنى ۇستالدى. الدىمەن ول ەشتەڭەنى مويىنداماعان. دالەلدەردى كورسەتكەننەن كەيىن ول كىسى ولتىرگەنىن مويىنداپ، قىلمىس قۇرالى - پىشاقتى بەردى. كۇدىكتىنىڭ ايتۋىنشا، ول دۇكەندە ساتۋشى بولىپ جۇمىس ىستەيدى.

«ساتىپ الۋشى رەتىندە كەلگەن جابىرلەنۋشى ماس بولىپ، جانجال شىعارعان. جانجال كەزىندە ول قايتىس بولعان ادامدى كەۋدەسىنەن پىشاقپەن ۇرعان. كۇدىكتى ۋاقىتشا ۇستاۋ يزولياتورىنا قامالدى. وزگە اقپارات ق ر ق ى ج ك 201-بابىنا سايكەس جاريا ەتىلمەيدى»، - دەلىنگەن ۆەدومستۆونىڭ حابارلاماسىندا.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات