+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

قازاقستاندا ەت قىمباتتاۋى مۇمكىن - مينيسترلىك

18 قازان 21:13
:ءبولىسۋ
قازاقستاندا ەت قىمباتتاۋى مۇمكىن - مينيسترلىك

نۇر-سۇلتان. قازاقپارات - ق ر اۋىل شارۋاشىلىعى ءمينيسترى ەربول قاراشوكەيەۆ ەت باعاسىنا قاتىستى ءوز بولجامىن ايتتى، دەپ حابارلايدى قازاقپارات ءتىلشىسى.

«ەت ءونىمى كولەمىنە توقتالساق، قازاقستاننىڭ اۋىل شارۋاشىلىعى كەشەنى جالپى ەتكە سۇرانىستى 100 پايىز تولىق قامتىپ وتىر. ونىڭ ىشىندە سيىر ەتى بويىنشا - 97 پايىز، قوي ەتىن - 100 پايىز، جىلقى ەتى - 97,5 پايىز ءوز-ءوزىمىزدى قامتىپ وتىرمىز. ىشكى نارىقتاعى ەتكە سۇرانىس تولىعىمەن ءوزىمىز وندىرەتىن كولەممەن جابىلىپ وتىر. شەتەلدەن يمپورتتالاتىن ەت كولەمى اسا كوپ ەمەس»، - دەدى مينيستر ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

ءمينيستردىڭ ايتۋىنشا، ەت باعاسى ءوسۋى ىقتيمال دەگەن بولجامدار بار.

«بيىل وزدەرىڭىز كورىپ وتىرعانداي جەمشوپ باعاسى دا ءوسىپ وتىر، سول ءۇشىن ەت باعاسى قىمباتتاۋى ىقتيمال. سەبەبى ەت وندىرەتىن شارۋا قوجالىقتارى دا ءوز شىعىنىن جابۋى كەرەك. قاتتى ءوسىم بولمايتىن شىعار دەگەن ۇمىتتەمىز. ەڭ باستىسى - ەتتەن تاپشىلىق بولمايدى، سەبەبى مالدىڭ دا باسى ءوسىپ جاتىر، ءىرى قارا مالدى الساق، 3,6 پايىز ءوسىم بار. نەگىزىنەن ەت كولەمى جەتكىلىكتى بولادى»، - دەپ ءتۇسىندىردى اۋىل شارۋاشىلىعى ءمينيسترى.

بۇعان دەيىن ە. قاراشوكەيەۆ قۋاڭشىلىقتا ماڭعىستاۋ مەن قىزىلوردا وبلىستارىنا قانداي كومەك كورسەتىلگەنىن ايتقان ەدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات