+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

الماتىدا كاسىپورىن قىزمەتكەرلەرىنىڭ ۆاكتسينا العان- الماعانى تەكسەرىلىپ جاتىر

18 قازان 19:55
:ءبولىسۋ
الماتىدا كاسىپورىن قىزمەتكەرلەرىنىڭ ۆاكتسينا العان- الماعانى تەكسەرىلىپ جاتىر

الماتى. قازاقپارات- الماتى اكىمى باقىتجان ساعىنتايەۆتىڭ توراعالىعىمەن كوروناۆيرۋس ينفەكسياسىنىڭ تارالۋىنا جول بەرمەۋ جونىندەگى قالالىق جەدەل شتابتىڭ وتىرىسى ءوتتى، دەپ حابارلايدى قازاقپارات ءتىلشىسى.

ايتا كەتەيىك، 7 - قىركۇيەكتە ق ر اۋماعىندا كوروناۆيرۋس ينفەكتسياسىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا ۆاكسينالاۋ بويىنشا رەيدتەر الگوريتمىن بەكىتكەن بولاتىن.

الماتىنىڭ مونيتورينگ توپتارى 10 - قىركۇيەكتەن باستاپ 302 بيزنەس نىسانى مەن مەگاپوليستەگى جوعارى وقۋ ورىندارىن تەكسەردى.

بۇلاردا 65536 قىزمەتكەر بار، ولاردىڭ 55618 ءى (%84,8) ۆاكتسينالانعان، 4439 ى (%6,8) ەكپە الماعان، اۋىرىپ جازىلعاندار نەمەسە مەديتسينالىق قارسى كورسەتىلىمدەرى بارلارى - 5479 (%8,4).

بارلىق كاسىپورىندا كوروناۆيرۋسقا قارسى ۆاكسينالانۋدىڭ قاجەتتىلىگى مەن ماڭىزى تۋرالى كەڭەس بەرىلدى، ويتكەنى ۆاكسينالانباعان قىزمەتكەرلەردىڭ باسىم بولىگى ۇجىمدا دەرتتىڭ قايتادان ۋشىقتىرۋى مۇمكىن.

11-17- قازان ارالىعىندا مونيتورينگ توپتار 35 كاسىپورىندى تەكسەرىپ، 12541 ادامدى قامتىدى. ولاردىڭ ىشىندە 9987 ادام ۆاكسينالانعان، 1240 ى ەكپە الماعان، 1314 ادامنىڭ مەديتسينالىق قارسى كورسەتىلىمى بولعان.

تەكسەرۋشىلەر مونيتورينگ بارىسىندا مەديتسينالىق قارسى كورسەتىلىمى بار قىزمەتكەرلەر اراسىندا بەكىتىلگەن 026 ۋ فورماسىنىڭ سايكەسسىزدىگىنە بايلانىستى ءبىرقاتار بۇزۋشىلىق انىقتالعانىن اتاپ ءوتتى.

سوندىقتان مەديتسينالىق انىقتامانىڭ دۇرىستىعىن تەكسەرۋ ءۇشىن شارا قابىلداناتىن بولدى. ونىڭ ۇستىنە، الماتىدا ءبىرقاتار ساۋدا-ويىن-ساۋىق ورتالىعى مەن ساۋدا ۇيلەرى قىزمەتكەرلەرىنىڭ Ashyq-تىڭ «كوك» مارتەبەسى بويىنشا جۇمىس ىستەيتىنى، ولاردىڭ ءالى كۇنگە دەيىن «جاسىل» مارتەبەنى الماعانى انىقتالدى.

رەسپۋبليكالىق ەلەكتروندىق دەنساۋلىق ساقتاۋ ورتالىعىنىڭ الماتى فيليالى ۇسىنعان ۆاكسينالانۋ كارتاسىنىڭ نەگىزىندە قىزمەتكەرلەر سانى 50 ادامنان اساتىن جانە ۆاكسينالانعان قىزمەتكەرلەردىڭ سانى %60 دان تومەن كاسىپورىنداردا ۆاكسينالاۋ جوسپارى جاسالدى.

ەسكە سالساق، 17- قازاننان باستاپ دەنساۋلىق ساقتاۋ مينيسترلىگىنىڭ بۇيرىعى كۇشىنە ەندى، وعان سايكەس ۆاكسينالانعان، ۆاكسينالانباسا دا (جەتى كۇندە ءبىر رەت) پ ت ر- تەستىسى جانە تۇراقتى مەديتسينالىق قارسى كورسەتىلىمى جونىندە انىقتاماسى بار نەمەسە ءۇش اي ىشىندە ك ۆ ي- مەن اۋىرعان قىزمەتكەرلەرگە جۇمىس ىستەۋگە رۇقسات ەتىلەدى.

الماتى كاسىپكەرلەر پالاتاسىنىڭ ديرەكتورى ايتۋار قوشمامبەتوۆ اتاپ وتكەندەي، «اتامەكەن» ك ۆ ي پاندەمياسىمەن كۇرەسۋدىڭ جالعىز قۇرالى رەتىندە حالىقتى جاپپاي ۆاكسيناتسيالاۋ قاجەتتىلىگىن قولدايدى.

دەنساۋلىق ساقتاۋ مينيسترلىگىنىڭ جاڭا بۇيرىعىن تالقىلاۋ كەزىندە «اتامەكەن» ساراپتامالىق قورىتىندىدا ءوز ۇستانىمىن ءبىلدىردى.

جالپى، كاسىپكەرلەر پالاتاسى كاسىپورىن باسشىلارىنان ۇجىمداردى ۆاكسينالاۋعا بارىنشا كومەك كورسەتۋدى جانە جاعداي جاساۋدى سۇرايدى. بۇدان وزگە، بيىلعى جىلدىڭ 28- شىلدەسىنەن باستاپ جولاۋشىلار مەن قوعامدىق كولىك جۇرگىزۋشىلەرىن تەكسەرۋ جالعاسىپ جاتىر.

تەكسەرۋدىڭ بارلىق كەزەڭىندە 1618 اۆتوبۋس پەن تروللەيبۋسقا مونيتورينگ جۇرگىزىلدى. قوعامدىق كولىكتە بەتپەردە رەجيمىن ساقتاماعانى ءۇشىن ق ر ا ق ب ت ك- ءنىڭ 425-بابىنىڭ 1-بولىگىنە سايكەس 224 جەكە تۇلعاعا جانە ءبىر زاڭدى تۇلعاعا اكىمشىلىك حاتتاما تولتىرىلدى.

ونىڭ ىشىندە وتكەن اپتادا 11 جولاۋشى جاۋاپقا تارتىلدى. قوعامدىق كولىكتە بەتپەردە تاعۋ ينفەكتسيا قاۋپىن ازايتاتىنى بەلگىلى.

ينفەكسيانى ازايتۋ ءۇشىن تۇنگى ۋاقىتتا قوعامدىق كولىك سالوندارىن دەزينفەكسيالاۋ ۇيىمداستىرىلدى. دەرتتىڭ تومەندەۋىنە قاراماستان ەپيدەميولوگيالىق احۋال بۇرىنعىداي كۇردەلى بولىپ قالۋدا.

كۇن سايىن قالادا 300 دەن استام ك ۆ ي جۇقتىرعاندار انىقتالادى، ينفەكسيالىق ستاتسيونارلاردا 1368 ادام، ونىڭ ىشىندە 28 بالا بار. سوندىقتان ماماندار الماتى تۇرعىندارى مەن قوناقتارىن الەۋمەتتىك قاشىقتىق پەن بەتپەردە تاعۋ ەرەجەلەرىن قاتاڭ ساقتاۋعا شاقىرادى.

ايتا كەتەرلىگى، دەرتتىڭ ءوسۋىن توقتاتۋدىڭ جالعىز ءارى ءتيىمدى ءادىسى - ۆاكسينالانۋ ارقىلى ۇجىمدىق يممۋنيتەتتى قالىپتاستىرۋ.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات