قازاقستاندا «ەڭ مەيىرىمدى» كونكۋرسىنا قاتىسۋ ءۇشىن ءوتىنىم قابىلداۋ جالعاسىپ جاتىر

None
None
نۇر-سۇلتان. قازاقپارات - قازاقستاندا «ازاماتتىق باستامالاردى قولداۋ ورتالىعى» ك ە ا ق پەن ق ر اقپارات جانە قوعامدىق دامۋ مينيسترلىگىنىڭ قولداۋىمەن 1- قىركۇيەكتە ىسكە قوسىلعان «ەڭ مەيىرىمدى» كونكۋرسىنا قاتىسۋ ءۇشىن ءوتىنىم قابىلداۋ جالعاسىپ جاتىر، دەپ حابارلايدى قازاقپارات.

كونكۋرس «قايىرىمدى ىستەر مارافونى» جالپىۇلتتىق جوباسىنا قاتىسۋشىلار اراسىندا ون نوميناتسيا بويىنشا وتەدى:

«ەڭ مەيىرىمدى ءوڭىر»، «ەڭ مەيىرىمدى بيزنەس»، «ەڭ مەيىرىمدى اۋىل»، «ەڭ مەيىرىمدى ۇجىم»، «ەڭ مەيىرىمدى اۋلا»، «ەڭ مەيىرىمدى ج و و»، «ەڭ مەيىرىمدى مەكتەپ»، «قورشاعان ورتاعا ەڭ مەيىرىمدى»، «ەڭ مەيىرىمدى رەداكسيا» جانە «ەڭ مەيىرىمدى ۆولونتەر».

كونكۋرستى وتكىزۋدەگى نەگىزگى ماقسات - ەلدەگى قايىرىمدىلىق جانە ۆولونتەرلىك مادەنيەتتى ناسيحاتتاۋعا باعىتتالعان.

وعان «قايىرىمدى ىستەر مارافونى» جوباسى شەڭبەرىندە قايىرىمدىلىق جانە ۆولونتەرلىك جۇمىسقا تارتىلعان كامەلەت جاستاعى قازاقستاندىقتار قاتىسا الادى.

جەڭىمپازداردى كوميسسيا وسى جىلدىڭ 1-12- قاراشاسى ارالىعىندا انىقتايدى. قاتىسۋ ءۇشىن ءوتىنىمدى 2021 -جىلدىڭ 29- قازانىنا دەيىن جىبەرۋگە بولادى.

ءار نوميناتسيانىڭ ەرەجەسى مەن قاتىسۋشىلاردىڭ انكەتاسى مارافون جوباسىنىڭ www.qim.kz رەسمي سايتىندا ورنالاسقان. كەز كەلگەن سۇراق بويىنشا ۇيىمداستىرۋ كوميتەتى وكىلدەرىنىڭ كەلەسى بايلانىس نومىرىنە حابارلاسۋعا بولادى: 87015135500.

ەسكە سالا كەتەيىك، «قايىرىمدى ىستەر مارافونى» جالپى ۇلتتىق جوباسى ازاماتتىق باستامالاردى قولداۋ ورتالىعى مەن اقپارات جانە قوعامدىق دامۋ مينيسترلىگىنىڭ قولداۋىمەن جۇزەگە اسىرىلۋدا.

جوبانىڭ باستى ماقساتتارىنىڭ ءبىرى - جاقسىلىققا جانى قۇمار ادامداردى بىرىكتىرۋ جانە ۇيىمداستىرۋ، قوعام مەن ادامداردىڭ ءومىرىن جاقسى جاققا وزگەرتۋگە مۇمكىندىك بەرەتىن، جومارتتىق پەن جاقسىلىق يدەياسىنا نەگىزدەلگەن قوعام قۇرۋ.

مارافونعا نيەت بىلدىرگەن كەز كەلگەن ازامات قاتىسا الادى. ول ءۇشىن ءوزىنىڭ جاقسى ىستەرىن الەۋمەتتىك جەلىلەردە #قايىرىمدى ىستەرمارافونى #مارافون دوبرىحدەل رەسمي حەشتەگىمەن جاريالاۋى كەرەك.

سوڭعى جاڭالىقتار