قاتەرلى ىسىك تۋدىراتىن دارۋمەندەر

None
None
نۇر-سۇلتان. قازاقپارات - 6 B جانە 12 B ۆيتاميندەرىن كوپ مولشەردە قابىلداۋ وكپە ىسىگىنىڭ دامۋىن تەزدەتەدى.

بۇل تۋرالى وگايو مەملەكەتتىك ۋنيۆەرسيتەتىنىڭ عالىمدارى جۇرگىزگەن زەرتتەۋدە كورسەتىلگەن، - دەپ حابارلايدى Tengrinews.kz ءتىلشىسى ريا نوۆوستي سايتىنا سىلتەمە جاساپ.

زەرتتەۋ بارىسىندا ساراپشىلار 77 مىڭنان استام اداممەن ساۋالناما جۇرگىزىپ، B دارۋمەنىن قانشالىقتى ءجيى قابىلدايتىنىن سۇراعان. زەرتتەۋدە كەيىنگى ون جىلداعى تاماق راتسيونى دا ەسكەرىلگەن.

التى جىلدان كەيىن زەرتتەۋشىلەر وكپەنىڭ قاتەرلى ىسىگىنىڭ بەلگىلەرىن انىقتاۋ ءۇشىن تاجىريبەگە قاتىسۋشىلاردىڭ دەنساۋلىعىن تەكسەرگەن. قاتەرلى ىسىك اۋرۋىنىڭ قاۋپىنە اسەر ەتەتىن كورسەتكىشتەردى تەكسەرگەننەن كەيىن، عالىمدار 12 B دارۋمەنىمەن بايلانىستى دەربەس وكپە وبىرىنىڭ قاۋپى 30 پايىزعا جانە B6 ۆيتامينىن قابىلداعاندا، 40 پايىزعا جوعارىلايتىنىن حابارلادى.

اسىرەسە، ەر ادامداردىڭ كوپ مولشەردە قابىلداۋى ايتارلىقتاي زيان ەكەنى ايتىلدى.

«12 B ۆيتامينىن تاۋلىگىنە 55 ميكروگرامنان كوپ قابىلداعان ەر ادامداردا B دارۋمەنىن قابىلداماعان ەر ادامدارعا قاراعاندا وكپە ىسىگىنىڭ دامۋى 98 پايىزعا جوعارى بولدى. شىلىم شەككەن، ۆيتاميندى كوپ مولشەردە قابىلداعان ەر ادامداردا وكپە راگىنىڭ دامۋ ىقتيمالدىعى ءۇش- ءتورت ەسە كوپ»، - دەيدى زەرتتەۋدىڭ جەتەكشى اۆتورى تەودور براسچي.

ول B6 دارۋمەنى ادەتتە 100 ميلليگرامم تابلەتكادا، ال B12 دارۋمەنى 500-3000 ميلليگرامم تابلەتكادا ساتىلاتىنىن، ال ءبىرىنشى ۆيتامينگە ۇسىنىلاتىن تاۋلىكتىك مولشەرلەمە ەكى ميلليگرامم، ال ەكىنشىسى 2,4 ميلليگرامم ەكەنىن ايتتى. سونىمەن قاتار، مۋلتيۆيتاميندى كەشەندەردە وسى ۆيتاميندەردىڭ دوزاسى بار ەكەنىن اتاپ ءوتتى.

سونداي- اق، دۇنيەجۇزىلىك قاتەرلى ىسىك اۋرۋلارىن زەرتتەۋ قورىنا تاماقتانۋدى تەك ديەتا ارقىلى جۇرگىزۋدى ۇسىنادى. 6 B جانە 12 B ۆيتاميندەرىنە باي تاعامدارعا بالىق، ەت، قۇس ەتى جاتادى.


سوڭعى جاڭالىقتار