رەسەيدە التىنشى سىنىپ وقۋشىسى مەكتەبىنە وق جاۋدىردى
بۇل تۋرالى دۇيسەنبى كۇنى قۇقىق قورعاۋ ورگاندارىنىڭ دەرەككوزىندە جازىلعان، دەپ حابارلايدى قازاقپارات تاسس اگەنتتىگىنە سىلتەمە جاساپ.
التىنشى سىنىپ وقۋشىسى «سايگا» كاربيناسىنان ەكى وق اتقان. زارداپ شەككەندەر جوق. قازىر پوليتسەيلەر وقۋشىمەن سويلەسىپ جاتىر. ول قارۋدى اكەسىنەن ۇرلاپ العانىن مويىندادى. ءوزىن قاتتى رەنجىتكەن قىز بالاعا جازاسىن بەرمەك بولىپتى.
Baza-نىڭ انىقتاۋىنشا اتىس كەزىندە جاس ءوسپىرىم: «قۇداي ماعان كىردى!» دەپ داۋىستاعان. مەكتەپ ديرەكتورى قاۋىپتىڭ الدىن الىپ، وقۋشىنى ءوزىنىڭ كابينەتىنە شاقىرعان.
ايتا كەتەيىك، 20-قىركۇيەكتە پەرمدەگى ۋنيۆەرسيتەتتە اتىس بولعان. سالدارىنان التى ادام قازا تاۋىپ، 40 تان استامى جاراقات الدى. ونى ۇستاۋ كەزىندە اتىس ۇيىمداستىرعان ستۋدەنت قاتتى جاراقات الدى.
رەسەيدە 2021 -جىلدىڭ قاڭتار- تامىز ايلارىندا 15,8 مىڭ ادام قىلمىستان قايتىس بولدى، ال 22 مىڭنان استام ادامنىڭ دەنساۋلىعىنا اۋىر زيان كەلگەن.