+7 (701) 759 90 19
USD 435.76 EUR 493.41
RUB 5.89 CNY 68.37
جاڭالىقتار

شىعىس قازاقستاندا قۇتقارىلعان ءبىرقازان پويىزبەن الماتىعا جەتكىزىلدى

18 قازان 10:02
:ءبولىسۋ
شىعىس قازاقستاندا قۇتقارىلعان ءبىرقازان پويىزبەن الماتىعا جەتكىزىلدى

الماتى. قازاقپارات - شىعىس قازاقستان وبلىسىندا قۇتقارىلعان ءبىرقازان الماتى زووباعىنا جەتكىزىلدى، دەپ حابارلايدى قازاقپارات.

ءبىرقازان شىعىس قازاقستان وبلىسى گلۋبوكوۆسكوە اۋدانىنىڭ بەلوۋسوۆكا اۋىلىندا تابىلعان. جارالانعان قۇستى اۋىل تۇرعىندارى بايقاپ، قاڭعىباس يتتەردەن قۇتقارىپ قالعان. قىزىل كىتاپقا ەنگەن قۇس بۇگىن پويىزبەن الماتى قالاسىنا جەتكىزىلدى.

«بۇل - قىزعىلت ءبىرقازاننىڭ بالاپانى، تۋعانىنا ءۇش اي عانا بولعان. ول جۇمىرتقاسىنان كەش شىعىپ، قىستايتىن مەكەنىنە ۇشىپ كەتۋگە كۇشى جەتپەگەن»، - دەلىنگەن الماتى زووباعىنىڭ مالىمەتىندە.

زووباق اقپاراتىنا سۇيەنسەك، ش ق و- دان جەتكىزىلگەن قۇس بيىلعى كۇزدە الماتىنىڭ جانۋارلار باعىنا جەتكىزىلگەن ەكىنشى كىشكەنتاي ءبىرقازان.

«ءبىرىنشىسى بىزگە ەكى اپتا بۇرىن اقتاۋ قالاسىنان جەتكىزىلدى. شىعىس قازاقستاننان اكەلىنگەن ءبىرقازان وزگە قۇستاردان وقشاۋلاندىرىلىپ، الدىمەن ءبىر اي ۆەتەريناريا بولىمىندە كارانتيندە بولادى. دارىگەرلەرىمىز ونىڭ دەنساۋلىعىن تەكسەرىپ، باقىلىپ، ءارتۇرلى زيانكەستەردەن تازارتىپ، قۇس اۋرۋلارىنان ساقتايتىن ارنايى ەكپەلەر سالادى. سودان كەيىن عانا ول فيمكە، حاليفۋ سياقتى تۇقىمداستارىنا قوسىلىپ، ءبىرقازاندار ۇيىنە اۋىستىرىلادى»، - دەدى زووباقتان.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات