قازاقستان دەلەگاتسياسى كابۋلدا اۋعانستاننىڭ قازىرگى اكىمشىلىگى وكىلدەرىمەن كەزدەستى

None
None
كابۋل. قازاقپارات - بۇگىن قازاقستان رەسپۋبليكاسى پرەزيدەنتىنىڭ حالىقارالىق ىنتىماقتاستىق جونىندەگى ارناۋلى وكىلى ەرجان قازىحان باستاعان قازاقستاندىق دەلەگاتسيا كابۋل قالاسىنا جۇمىس ساپارىمەن باردى.

قازاقپارات بۇل تۋرالى اقورداعا سىلتەمە جاساپ حابارلايدى.

ساپار اياسىندا ارناۋلى وكىل ەرجان قازىحان اۋعانستاننىڭ قازىرگى اكىمشىلىگىنىڭ وكىلدەرى ابدۋل عاني بارادارمەن جانە امير حان مۋتاككيمەن كەزدەسۋلەر وتكىزدى. كەزدەسۋلەر بارىسىندا قازاقستاننىڭ اۋعان حالقىنا كورسەتىپ جاتقان گۋمانيتارلىق كومەگى مەن ساۋدا- ەكونوميكالىق بايلانىستاردى قالپىنا كەلتىرۋ ماسەلەلەرى تالقىلاندى. ەلىمىز دەلەگاتسياسىنىڭ باسشىسى قازاقستان رەسپۋبليكاسىنىڭ پرەزيدەنتى قاسىم- جومارت توقايەۆتىڭ وكىمىمەن اۋعانستانعا گۋمانيتارلىق كومەك رەتىندە 5 مىڭ توننا ۇن جەتكىزىلگەنىن اتاپ ءوتتى. سونداي- اق ەرجان قازىحان قازاقستاننىڭ اۋعان تاراپىنا وتاندىق QazVac ۆاكتسيناسىن بەرۋ تۋرالى ۇسىنىسىن جەتكىزدى.

ارناۋلى وكىل قازاقستاننىڭ ب ۇ ۇ اگەنتتىكتەرىمەن بىرلەسىپ، اۋعانستان حالقىنا جەتكىزىلەتىن گۋمانيتارلىق كومەكتى ودان ءارى كەڭەيتۋ ماقساتىندا قابىلداپ جاتقان شارالارى تۋرالى ايتتى. اۋعان تاراپى كورسەتىلگەن گۋمانيتارلىق كومەك ءۇشىن العىس ءبىلدىرىپ، اۋعانستاندى قالپىنا كەلتىرۋ جونىندەگى حالىقارالىق كۇش- جىگەرگە ەلىمىزدىڭ ەلەۋلى ۇلەس قوسىپ وتىرعانىن اتاپ ءوتتى. تاراپتار ءداستۇرلى ساۋدا- ەكونوميكالىق بايلانىستاردى قالپىنا كەلتىرۋگە جانە اۋعان ستۋدەنتتەرى ءۇشىن قازاقستاندا ءبىلىم بەرۋ باعدارلامالارىن جالعاستىرۋعا قىزىعۋشىلىق تانىتتى. اۋعان تاراپى قازاقستاندىق ۆاكسينانى جەتكىزۋ تۋرالى ۇسىنىستى دا زور ىقىلاسپەن قابىلدادى. سونىمەن قاتار ەرجان قازىحان ب ۇ ۇ باس حاتشىسىنىڭ ارناۋلى وكىلى، ب ۇ ۇ- نىڭ اۋعانستانعا جاردەم بەرۋ جونىندەگى ميسسياسىنىڭ باسشىسى دەبورا لايونسپەن كەزدەستى. كەزدەسۋدە وسى ەلدەگى گۋمانيتارلىق جانە ازىق- تۇلىك داعدارىسىن ەڭسەرۋدە قازاقستان مەن ب ۇ ۇ- نىڭ ءوزارا ىنتىماقتاستىعىن كەڭەيتۋ ماسەلەلەرى قاراستىرىلدى.


سوڭعى جاڭالىقتار