جايىق وزەنى ساعاسىندا كاسپي يتبالىقتارى پايدا بولدى

None
None
اتىراۋ. قازاقپارات - اتىراۋ وبلىسىندا جايىق وزەنى ساعاسىندا يتبالىقتار پايدا بولدى، دەپ حابارلايدى قازاقپارات ءتىلشىسى.

يتبالىقتاردى «قازاقپارات» اگەنتتىگىنىڭ ءتىلشىسى جانە فوتوگراف قاراساي كۇنجارىقوۆ «اقجايىق» تابيعي رەزەرۆاتى اۋماعىندا قۇستاردىڭ فوتو جانە ۆيدەوتۇسىرىلىمى كەزىندە بايقاپ قالعان.

ولار جايىق وزەنىنىڭ كاسپيي تەڭىزىنە قۇيىلاتىن بىرنەشە جۇزدەگەن مەتر جەردەن كورىندى. رەزەرۆات قىزمەتكەرلەرىنىڭ ايتۋىنشا، سوڭعى جىلدارى سانى اجەپتەۋىر قىسقارعان يتبالىقتار جاعاعا وتە سيرەك شىعىپ، كوبىنەسە كاسپيدىڭ سولتۇستىك ارالدارىن مەكەندەيدى. تۇلەندەر - يتبالىق تۇقىمداس سۇتقورەكتى جانۋار. دەنەسى ۇرشىق ءتارىزدى، كىشكەنتاي، باسى دوڭگەلەك. زوولوگ ماماندار بۇل سۇيكىمدى جانۋاردى ەسكەكاياقتىلار تۇقىمداسىنا جاتقىزعان. بۇگىندە جانۋارلار الەمىنىڭ بۇل وكىلدەرى جويىلۋ ءقاۋپى ءتونىپ تۇرعان جىرتقىشتار قاتارىنا كىرىپ وتىر. رەسەي فەدەراتسياسى اۋماعىندا جانۋارلاردىڭ بۇل ءتۇرى قىزىل كىتاپقا ەنگىزىلمەگەن جانە ونى اۋلاۋ ءۇشىن كۆوتا دا بەرىلۋدە. سۇتقورەكتى جىرتقىشتار قاتارىنا جاتقىزىلادى، ال ناعىز تۇلەندەر يتبالىعى جانە كاسپي يتبالىعى بولىپ ەكىگە بولىنەدى.

جانۋارلار گراداتسياسى ولار مەكەندەيتىن سۋاتقا بايلانىستى. ەكى ءتۇرى تەڭىز سۋىندا، تاعى ءبىرى - تۇشى سۋدا مەكەن ەتەدى. يتبالىق - جەر بەتىندەگى ەڭ كونە جانۋارلاردىڭ ءبىرى. ولاردىڭ شىعۋ تەگى جانە ەۆوليۋتسياسى تۋرالى ناقتى اقپارات جوق. عالىمدار كاسپيي يتبالىعى يىرىلمەلى يتبالىقتان تاراعان دەپ شامالاۋدا. ول جەەر بەتىندە شامامەن ەكى ميلليونعا جۋىق ۋاقىت بۇرىن مەكەن ەتكەن. ودان كەيىن كاسپيي مەن بايكالعا ءوتىپ، تۇلەندەردىڭ جاڭا ەكى ءتۇرىنىڭ، سونىڭ ىشىندە كاسپي يتبالىعىنىڭ پايدا بولۋىنا اكەلدى. زەرتتەۋشىلەر بۇل جانۋارلاردىڭ قالدىقتارىن تەك جاعادان عانا ەمەس، سونداي- اق جارتاستار مەن توبەشىك اۋماقتارى، كاسپي تەڭىزىندە مۇزدىقتاردان تابىلدى. قالىڭ مۇزداردىڭ ەرۋى كەزەڭىندە قازىرگى كاسپي يتبالىقتارى ەجەلگى بابالارىنىڭ سۇيەكتەرى جايىق جاعالاۋىنان، سونداي- اق كاسپيدىڭ وڭتۇستىك ايماقتارىنان دا انىقتالدى.


سوڭعى جاڭالىقتار