+7 (701) 759 90 19
USD 436.29 EUR 492.83
RUB 5.92 CNY 68.48
جاڭالىقتار

وزبەكستان مەن اۋعانستان وكىلدەرى شەكارا ماسەلەسىن تالقىلادى

17 قازان 16:25
:ءبولىسۋ
وزبەكستان مەن اۋعانستان وكىلدەرى شەكارا ماسەلەسىن تالقىلادى

تەرمەز. قازاقپارات - تەرمەز قالاسىندا وزبەكستان مەن اۋعانستان دەلەگاتسيالارىنىڭ جۇمىس كەزدەسۋى ءوتتى، دەپ حابارلايدى قازاقپارات ءتىلشىسى وزبەكستان رەسپۋبليكاسى ينۆەستيتسيا جانە سىرتقى ساۋدا مينيسترلىگىنە سىلتەمە جاساپ.

وزبەكستان دەلەگاتسياسىن پرەمەر- مينيستر ورىنباسارى، ءور ينۆەستيتسيا جانە سىرتقى ساۋدا ءمينيسترى ساردور ۋمۋرزاكوۆ باسقارسا، اۋعاندىق تاراپ اتىنان ۋاقىتشا ۇكىمەت باسشىسى ورىنباسارىنىڭ مىندەتتەرىن اتقارۋشى ابدۋل سالام حانافي كەلدى.

كەلىسسوزدەر بارىسىندا ءتۇرلى مينسترلىكتەر مەن ۆەدومستۆو وكىلدەرى شەكارا قاۋىپسىزدىگىن قامتاماسىز ەتۋ، ينۆەستيتسيا، ءوزارا ساۋدا، ەنەرگەتيكا، حالىقارالىق جۇك تاسىمالى جانە ترانزيت سالالارىنداعى ىنتىماقتاستىق ماسەلەلەرىن ورتاعا سالدى. قاتىسۋشىلار سونداي- اق، ءبىلىم بەرۋ جانە گۋمانيتارلىق سالاداعى بايلانىستى دامىتۋ جايىندا پىكىر الماستى.

ينفراقۇرىلىمدىق جوبالاردى ىسكە اسىرۋ، سونىڭ ىشىندە «سۋرحان - پۋلي- حۋمري» ەلەكتر تاسىمالداۋ جەلىسى جانە «تەرمەز - مازاري- شاريف - كابۋل - پەشاۆار» تەمىر جولى قۇرىلىسىنا ەرەكشە كوڭىل ءبولىندى. كەزدەسۋ سوڭىندا تالقىلانعان ماسەلەلەر بويىنشا ءبىرقاتار ەكىجاقتى كەلىسىمدەرگە قول جەتكىزىلدى.



#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات