الەكسەي سوي: انتيدەنە تالداۋىنسىز-اق ريەۆاكسيناتسياعا بارامىن

None
None
نۇر-سۇلتان. قازاقپارات - ق ر دەنساۋلىق ساقتاۋ ءمينيسترى الەكسەەي سوي ريەۆاكتسيناتسيادان وتكىسى كەلگەندەر نەگە اعزاداعى انتيدەنە سىناماسىن تاپسىرۋ كەرەكتىگىن ءتۇسىندىردى، دەپ حابارلايدى قازاقپارات ءتىلشىسى.

«ۆاكسينا ادام اعزاسىن بەلگىلى ءبىر دەڭگەيدە اۋرۋدان قورعاي الادى. بىزگە وتىنىشتەر تۇسكەن. ەكپە العان ازاماتتاردىڭ كەيبىرى ۋاقىت وتە كەلىپ، اعزاسىندا انتيدەنە مولشەرىنىڭ ءتۇسىپ كەتكەنىن بايقاعان. ءبىز سونداي ادامدارعا قايتا ەكپە الۋدى ۇسىنامىز. ال نەگىزى ريەۆاكسيناتسيا ءبىرىنشى كەزەكتە العى شەپتە جۇرگەن قىزمەتكەرلەرگە ۇسىنىلادى. ءبىزدىڭ نەگىزگى كوزدەگەنىمىز - كوروناۆيرۋس جۇقتىرۋ قاۋپىمەن بەتپە-بەت كەلەتىن ادامدار ريەۆاكسيناتسياعا جاتادى. ءبىز ولارعا كەڭەس بەرەمىز. باسقا ازاماتتار اعزاسىندا انتينەدە مولشەرى ءتۇسىپ كەتكەنىن كورسە، قوسىمشا دوزا الۋ مۇمكىندىگى بار»، - دەگەن مينيستر، ءبۇتىن الەمدە قايتا ۆاكسينالاۋ اۋەلى العى شەپتەگى قىزمەتكەرلەر مەن وسال توپتار اراسىندا جۇرگىزىلىپ جاتقانىن ەسكە سالدى.

«بۇعان دەيىن ايتقانىمداي، مەن اعزامداعى انتيدەنەنىڭ مولشەرىن تەكسەرگەلى وتىرعان جوقپىن. ءبىز العى شەپتەگى قىزمەتكەر بولعاندىقتان، ريەۆاكسيناتسيانىڭ مەرزىمى كەلگەندە انتيدەنە تالداۋىنسىز-اق، قايتا ەكپە الۋعا بارامىز. جەكە ءوز باسىم انتيدەنە سىناماسىن تاپسىرعالى وتىرعان جوقپىن. ونىڭ قاجەتتىگىن كورىپ تۇرعانىم جوق. انتيدەنە مولشەرىن ءبىلىپ بارىپ قايتا ۆاكسينالاۋعا بارۋ بىلايعى ادامدارعا قوسىمشا مۇمكىندىك رەتىندە ۇسىنىلىپ وتىرعانىن ءتۇسىنۋ ماڭىزدى. ۆاكسينانىڭ ەكى كومپونەنتىن الىپ، ۋاقىت وتە كەلە انتيدەنە جوق ەكەنىن كورگەن ازاماتتارعا قايتا ۆاكسينا الۋدى ۇسىنامىز، كەڭەس بەرەمىز»، - دەدى مينيستر.

سونداي-اق، ول ەلدە ريەۆاكسيناتسيا حالىقارالىق تاجىريبەگە سۇيەنىپ جالعاساتىنىن ەسكەرتتى.

وزگە ەلدەر ريەۆاكسيناتسياعا جاتاتىن ساناتتاردىڭ قاتارىن كەڭەيتسە، قازاقستاندا دا بۇل ماسەلە قاراستىرىلۋى مۇمكىن.

«اۋەل باستا ءبىز قايتا ۆاكتسينالاۋدى العى شەپتەگى مامانداردان باستاۋدى كوزدەگەن بولاتىنبىز. بۇكىل الەمدە سولاي ىستەلىپ جاتىر. الەمدە جاڭا كورسەتكىشتەر پايدا بولىپ، ريەۆاكسيناتسياعا جاتاتىن ساناتتار كەڭەيتىلگەندە ءبىز دە سول جولمەن جۇرەمىز. بىزگە قازىر حالىقارالىق تاجىريبە ماڭىزدى بولىپ وتىر»، - دەدى الەكسەي سوي.

سوڭعى جاڭالىقتار