قازاقستاندا عانا وندىرىلگەن ۆاكسينالاردى تەگىن ەگۋدى قاراستىرىپ جاتىرمىز - مينيستر

None
None
نۇر-سۇلتان. قازاقپارات - كەلەر جىلدان باستاپ قازاقستاندا COVID-19-عا قارسى وتاندىق ۆاكسينالار عانا ەگىلۋى مۇمكىن بە؟

ورتالىق كوممۋنيكاتسيالار قىزمەتىندە وتكەن بريفينگىدە دەنساۋلىق ساقتاۋ ءمينيسترى الەكسەي سويعا وسىنداي سۇراق قويىلدى، دەپ حابارلايدى قازاقپارات ءتىلشىسى.

«ءبىزدىڭ پايىمىمىز بويىنشا، قازاقستاننىڭ وزگە ەلدەرگە قارايلاماي، تيىمدىلىگى كلينيكالىق زەرتتەۋلەرمەن دالەلدەنگەن ءوز ۆاكسيناسىن شىعارا الاتىن مۇمكىندىگى بار بولعاندىقتان، وتاندىق ەكپەنى عانا كەپىلدەندىرىلگەن تەگىن مەديتسينالىق كومەك اياسىندا ساتىپ الۋعا بولادى. ونىڭ وزىندە قالعان ۆاكسينالار تۇماۋ سياقتى اۋرۋلاردىڭ ەكپەسى سەكىلدى كوممەرتسيالىق اينالىمعا جىبەرىلەدى. ءبىز قازىر ءوندىرۋشى كومپانيالاردى نارىققا كىرىپ، قىزمەتىن ۇسىنۋعا ۇگىتتەپ جاتىرمىز»، - دەدى مينيستر.

ۆەدومستۆو باسشىسى قازاقستاندا تىركەلگەن ۆاكسينالاردى شەكتەۋ جوسپارلانباعانىن ايتا كەلىپ، بۇل شەتەلدىك ۆاكسينا تۇرلەرىن ازاماتتار ءوز قاراجاتى ەسەبىنەن عانا قولداناتىنىن ءتۇسىندىردى. «ياعني، سپۋتنيك V جانە QazVac ۆاكسيناسىنان باسقا ەكپەلەردى قوسىمشا، اقىلى نەگىزدە سالدىرۋعا بولادى. قازىر فارمكومپانيالار بۇل ماسەلەنى پىسىقتاپ جاتىر»، - دەدى الەكسەي سوي.

سوڭعى جاڭالىقتار