+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

اۋعانستاننىڭ وڭتۇستىگىندە مەشىتتە جارىلىس بولدى

15 قازان 21:13
:ءبولىسۋ
اۋعانستاننىڭ وڭتۇستىگىندە مەشىتتە جارىلىس بولدى

كابۋل. قازاقپارات - اۋعانستاننىڭ وڭتۇستىگىندەگى قانداعار قالاسىندا جۇما نامازى كەزىندە ۇلكەن جارىلىس بولدى، دەپ حابارلايدى قازاقپارات Reuters سايتىنا سىلتەمە جاساپ.

15- قازان كۇنى بارگا يمام شەيىت مەشىتىندە جۇما نامازى كەزىندە ۇلكەن جارىلىس بولدى.

ورتالىق اۋرۋحانانىڭ اقپاراتىنا سايكەس، جەتى ادام مەرت بولعان، تاعى 13 ادام جاراقاتتار العان. وسى ارادا BBC كەم دەگەندە 16 ادامنىڭ قازا تاۋىپ، 32 ادامنىڭ زارداپ شەككەنى تۋرالى مالىمدەدى.

قازىرگى كەزدە جارىلىستىڭ سەبەبى بەلگىسىز، الايدا ونى جانكەشتى-لاڭكەس جاسادى دەگەن بولجام بار.

قازىرگى كەزدە لاڭكەستىك توپتاردىڭ ەشقايسىسى جارىلىس ءۇشىن جاۋاپكەرشىلىكتى موينىنا المادى.

كۋاگەرلەردىڭ ايتۋىنشا، ءۇش جارىلىس بولعان - باستى كىرەر ەسىكتە، عۇسىل الاتىن جەردە جانە مەشىتتىڭ ىشىندە. كۋاگەرلەردىڭ حابارلاۋىنشا، وقيعا كەزىندە مەشىتتە ادام كوپ بولعان. ادەتتە جۇما سايىن مەشىتكە كەلۋشىلەر سانى ارتادى.

جارىلىستان كەيىن وقيعا ورنىنا كەم دەگەندە 15 جەدەل جاردەم كولىگى جەتكەن. سونىمەن قاتار مەشىتكە تالىپتەردىڭ ارنايى جاساعى جىبەرىلدى.

ولار جاعدايدى ءوز باقىلاۋىنا الىپ، ادامداردان زارداپ شەككەندەرگە كومەك كورسەتۋ ءۇشىن قان تاپسىرۋدى سۇراعان. وتكەن جۇما كۇنى ەلدىڭ سولتۇستىگىندەگى قۇندىز قالاسىنداعى شەيىت مەشىتىندە جۇما نامازى كەزىندە جانكەشتى-لاڭكەس شابۋىل جاساپ، سالدارىنان 50 ادام مەرت بولدى.

ول كەزدە يسلام مەملەكەتى لاڭكەستىك ۇيىمىنىڭ جەرگىلىكتى بولىمشەسى جاۋاپكەشىلىكتى ءوز موينىنا العان بولاتىن.


#الةم  
:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات