USD 436.29 EUR 492.83
RUB 5.92 CNY 68.48
جاڭالىقتار

توقايەۆ ت م د ەلدەرى باسشىلارىن تۇشى سۋ پروبلەماسىن بىرلەسىپ شەشۋگە شاقىردى

15 قازان 18:26
:ءبولىسۋ
توقايەۆ ت م د ەلدەرى باسشىلارىن تۇشى سۋ پروبلەماسىن بىرلەسىپ شەشۋگە شاقىردى

نۇر- سۇلتان. قازاقپارات - ت م د ۇيىمىنا مۇشە مەملەكەتتەر باسشىلارى كەڭەسىنىڭ كەزەكتى وتىرىسىندا قازاقستان پرەزيدەنتى قاسىم- جومارت توقايەۆ تۇشى سۋعا قاتىستى پروبلەمانى بىرلەسىپ شەشۋگە شاقىردى، دەپ حابارلايدى قازاقپارات ءتىلشىسى.

«ەلدەرىمىز تەك كلاسسيكالىق سىن- قاتەرلەرگە عانا ەمەس، سونىمەن بىرگە تابيعي جانە تەحنوگەندىك سيپاتتاعى تاۋەكەلدەرگە دە ۇشىرايدى. قازاقستان ەكولوگيا جانە قورشاعان ورتانى قورعاۋ ماسەلەلەرى شەشىمىن ىلگەرىلەتۋدە ىنتىماقتاستىققا شاقىرادى. دۇنيەجۇزىلىك مەتەورولوگيالىق ۇيىمنىڭ مالىمەتتەرىنە سايكەس، قازىر جەر شارىنداعى سۋ رەسۋرستارىنىڭ جارتى پايىزى عانا تۇشى سۋ رەتىندە تۇتىنۋعا جارامدى. بۇعان قوسا، وتكەن جىلى 2 ميلليارد ادام قاۋىپسىز اۋىزسۋعا قول جەتكىزۋدە قيىندىققا تاپ بولدى. بۇل تمد كەڭىستىگىندە سۋ رەسۋرستارىن، ترانسشەكارالىق وزەندەردى پايدالانۋدا ورىن الىپ وتىرعان پروبلەمالاردى شەشۋ ءۇشىن ناقتى قادام جاساۋ قاجەتتىگىن كورسەتىپ وتىر»، - دەدى قاسىم- جومارت توقايەۆ.

سونىمەن قاتار ق ر پرەزيدەنتى جاھاندىق جىلىنۋمەن كۇرەس جاعدايىندا تومەن كومىرتەكتى ەكونوميكاعا كوشۋ ماسەلەسى دە وزەكتى بولىپ كەلە جاتقانىن باسا ايتتى.

«بۇل ءۇشىن دوستاستىق ەلدەرىنە تەحنولوگيالىق جانە ەكونوميكالىق قۇرىلىستىڭ كۇردەلى ترانسفورماتسياسى ارقىلى وتۋگە تۋرا كەلەدى. قازاقستان قازىردىڭ وزىندە 2060 -جىلعا قاراي كومىرتەگى بەيتاراپتىلىعىنا كوشۋ نيەتىن جاريا ەتتى. بۇل ماسەلەگە ەكونوميكالارىمىزدىڭ ەرەكشەلىكتەرىن ەسكەرە وتىرىپ، بارىنشا سىندارلى، ءتيىمدى جاقىنداۋىمىز قاجەت دەپ سانايمىن. سوندىقتان ت م د اياسىندا جالپى تۇجىرىمدىق ادىستەر ازىرلەگەن ءجون بولار ەدى»، - دەدى مەملەكەت باسشىسى.

اۆتور: مارلان جيەمباي


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات