USD 436.29 EUR 492.83
RUB 5.92 CNY 68.48
جاڭالىقتار

قالا اكىمى كولگىنوۆ استاناداعى مەترو قۇرىلىسى تۋرالى جوسپارىن ايتتى

15 قازان 14:09
:ءبولىسۋ
قالا اكىمى كولگىنوۆ استاناداعى مەترو قۇرىلىسى تۋرالى جوسپارىن ايتتى

نۇر- سۇلتان. قازاقپارات - بانكتەردىڭ ءبىرى LRT قۇرىلىسىن جالعاستىرۋ ءۇشىن قارجىلاندىرۋعا قاتىسادى.

بۇل تۋرالى ەلوردا ءماسليحاتىنىڭ كەزەكتەن تىس سەسسياسىندا قالا اكىمى التاي كولگىنوۆ ايتتى، دەپ حابارلايدى قازاقپارات ءتىلشىسى. سەسسيا جۇمىسىندا LRT قۇرىلىسى ماسەلەسى كوتەرىلدى. وسى ورايدا اياقتالماعان قۇرىلىس نىساندارى قالا مەن اۋەجايعا باراتىن جولدىڭ كوركىن بۇزىپ تۇرعانى ايتىلدى.

«LRT ماسەلەسى ءبىرازدان بەرى تالقىلانىپ كەلەدى. ونىڭ پروبلەماسى قايدان پايدا بولدى؟ بىرىنشىدەن، ەكىنشى دەڭگەيلى بانك بانكروتقا ۇشىراعان كەزدە سول جەردە قاراجات بۇعاتتالىپ قالدى. ەكىنشىدەن، وسى ماسەلەدە زاڭ بۇزۋشىلىق بولدى. ۇشىنشىدەن، ءقازىر ەڭ نەگىزگى ماسەلە - ول قارجىلاندىرۋ. بۇل جوباعا قوماقتى قاراجات كەرەك. وسىعان دەيىن ءبىرشاما جۇمىستار اتقارىلعانىن بىلەسىزدەر، ورناتىلعان ينجەنەرلىك قۇرىلىستار قالانىڭ ءسانىن كەلتىرمەي تۇرعانى راس. ءبىراق باستالعان جۇمىس اياقتالۋى كەرەك»، - دەدى ا. كولگىنوۆ.

ونىڭ ايتۋىنشا، ءبىر جىلدان استام ۋاقىت بويى اكىمدىك بانكتەرمەن ءتيىستى تالقىلاۋلار جۇرگىزدى. «بۇل جوبانى ىسكە اسىرۋعا بانكتەر قوسىلۋعا قاۋقارسىز بولىپ تۇر. سوندىقتان مينيسترلىكپەن بىرگە كونكۋرس جاريالادىق. قازىرگى كەزدە ءتيىستى بانك ءوزىنىڭ كەلىسىمىن بەرىپ جاتىر، ونى الداعى ۋاقىتتا قوسىمشا حابارلايمىز. ياعني ولار كەلىسىمشارتقا قول قويعانان كەيىن ايتامىز. جوسپار - جوبانى اياقتاۋ. قازىر اۋەجاي جاقتا ءبىر شاقىرىمنان استام بالكالار ورناتىلدى»، - دەدى قالا اكىمى.

اۆتور: رۋسلان عابباسوۆ



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات