12:42, 15 - قازان 2021 | GMT +6
وسكەمەندە جاياۋ جۇرگىنشىنى قاعىپ كەتكەن كولىك سالدارىنان ترامۆايلار توقتادى
وسكەمەن. قازاقپارات - وسكەمەن قالاسىندا جاياۋ جۇرگىنشىنى قاعىپ كەتكەن كولىك سالدارىنان ترامۆاي رەلسى بوگەلدى، دەپ حابارلايدى قازاقپارات ءتىلشىسى.
ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، جول-كولىك وقيعاسى بۇگىن تاڭەرتەڭ شاكارىم داڭعىلى مەن ستاحانوۆ كوشەسىنىڭ قيىلىسىندا بولعان.
«Mercedes» ماركالى اۆتوكولىكتى تىزگىندەگەن جۇرگىزۋشى رەتتەلمەگەن جاياۋ جۇرگىنشىلەر وتكەلىنەن ءوتىپ بارا جاتقان ادامدى قاعىپ كەتتى. جول اپاتىنان دەنە جاراقاتىن العان ازامات شۇعىل تۇردە اۋرۋحاناعا جەتكىزىلگەن. قازىرگى ۋاقىتتا وقيعانىڭ ءمان-جايى انىقتالۋدا»، - دەپ حابارلادى ۆەدومستۆو وكىلدەرى.
«Mercedes» كولىگى ترامۆاي رەلسىنە شىعىپ كەتكەن. سونىڭ سالدارىنان زاشيتا اۋدانىنان اباي داڭعىلى باعىتىنداعى قوعامدىق كولىكتەردىڭ قوزعالىسى توقتادى.