شەتەلدىك قانداستار جەتىسۋدىڭ كيەلى جەرلەرىمەن تانىستى

None
None
نۇر-سۇلتان.قازاقپارات - شەتەلدە تۇراتىن جاس قازاقتار 2021 -جىلعى 11-14-قازان ارالىعىندا وتكەن جەتىسۋدىڭ كيەلى جەرلەرىنە «كيەلى قازاقستان» اتتى ەكسكۋرسياعا قاتىستى، دەپ حابارلايدى «حابار 24».

شارانى اقپارات جانە قوعامدىق دامۋ مينيسترلىگىنىڭ قولداۋىمەن «وتانداستار قورى» مەن «جاس قازاق» جاستار ۇيىمى بىرلەسىپ ۇيىمداستىرىپ وتىر. ءىس- شاراعا شەتەلدەن كەلگەن قازاق قوعامدىق ۇيىمدارىنىڭ جاس باسشىلارى، تۇركيا، يران، رەسەي، موڭعوليا، وزبەكستان، قىتاي جانە جاپونيادا تۇراتىن، سپورت جانە ونەر سالاسىندا جەتىستىككە جەتكەن جۋرناليستەر، بلوگەرلەر مەن وتانداستار قاتىستى.

ەكسكۋرسيا بارىسىندا دوڭگەلەك ۇستەل ۇيىمداستىرىلدى. وندا قاتىسۋشىلار «قازاقستاننىڭ كيەلى گەوگرافياسى» كوپفۋنكتسيونالدى كارتاسىمەن، قازاقستان تاريحىمەن، سونداي- اق قازاق ءتىلىن وقىتۋ ادىستەمەلەرىمەن، قازاقستانداعى ءبىلىم بەرۋ گرانتتارىمەن جانە شەتەلدەن كەلگەن جاستارعا ارنالعان باسقا دا مۇمكىندىكتەرمەن تانىستى. ءبىرىنشى كۇنى قاتىسۋشىلار رايىمبەك باتىردىڭ كەسەنەسى مەن الماتى قالاسىنىڭ رەسپۋبليكا الاڭىنا باردى.

ەكىنشى جانە ءۇشىنشى كۇندەرى قاتىسۋشىلار ەسىك قالاسىنداعى «التىن ادام» مۇراجايىنا، شارىن مەملەكەتتىك ۇلتتىق تابيعي پاركىنە، الماتى وبلىسىنداعى قايىڭدى جانە كولساي كولدەرىنە باردى. ايتا كەتەيىك، مۇنداي ەكسكۋرسيالار شەتەلدەگى قازاق جاستارى ءۇشىن جىل سايىن وتكىزىلەدى.

www.24.kz

سوڭعى جاڭالىقتار