تۇسىڭىزدە تەڭىز كورسەڭىز نە بولادى؟

نۇر-سۇلتان. قازاقپارات - ادامنىڭ تۇسىندە تەڭىز كورۋىنە ءتۇرلى بولجامدار ايتۋعا بولادى.

ياعني، ول پسيحولوگيانىڭ ارحەتيپتىك ەرەكشەلىگىنەن باستاپ، جاي عانا شارشاعاندىقتى بىلدىرەتىن سيمۆوليكاعا دەيىنگى كەز كەلگەن ماعىنا بەرۋى مۇمكىن. ول سىرتقى كۇشتەردىڭ ساناعا ورناتاتىن قورقىنىشى مەن قورشاعان ورتانى وزگەرتۋگە دەگەن بەيسانالى نيەت تە بولۋى مۇمكىن.

مۇنداي ءتۇس نەنى بىلدىرەتىنىن ءتۇسىنۋ ءۇشىن كونتەكستى ناقتى انىقتاۋ ماڭىزدى. سول سەبەپتى ءتۇستى ەگجەي-تەگجەيلى ەسكە ءتۇسىرىڭىز.

جايماشۋاق تەڭىز جاعالاۋى

ەگەر ادام تۇسىندە كۇن جارقىراعان تەڭىز جاعالاۋىن كورسە، مۇنداي ءتۇستىڭ ەڭ ىقتيمال (جانە ايقىن) تۇسىندىرمەسى - دەمالىستى اڭساۋ. نەمەسە جاقىندا جاعالاۋدا دەمالىسىن وتكەرىپ كەلگەن ادامنىڭ جۇمىستان زورىعىپ، سول كۇندەردى ساعىنۋى. كەيدە مۇنداي ءتۇس ادامنىڭ تىنىشتىق تاپقىسى كەلەتىنىن ءبىلدىرۋى دە مۇمكىن. ءسىزدىڭ ميىڭىز كۇندەلىكتى كۇيزەلىسكە ءتۇس ارقىلى جاۋاپ بەرىپ، ءوزىن سول ارقىلى «تىنىشتاندىراتىن» بولۋى ىقتيمال. ەگەر ادام جاعالاۋدا تۇرىپ، تەڭىزگە تەلمىرە قاراسا، دەمەك بەيساناسى جاقىن ارادا بولاتىن وزگەرىستەردى كۇتەدى جانە ونىڭ العاشقى بەلگىسىن ادامعا جەتكىزەدى.

تەڭىزدىڭ تولقۋى نەمەسە تسۋنامي

تۇسىندە تەڭىزدىڭ تولقۋىن كورۋ - ادام الدىن الا المايتىن وزگەرىستەردىڭ سيمۆولى. تسۋنامي [تابيعاتتىڭ نەمەسە تاعدىردىڭ] سوققىلارىن كورسەتەدى. الىپ تولقىندار مىڭداعان جىلدار بويى ادامزات ساناسىندا ۇرەي تۋعىزىپ كەلدى. مۇنداي جاعداي بىردەن «توعىزىنشى تولقىن» كارتيناسىن ەسكە سالادى.

ەگەر ءسىز تۇسىڭىزدە تولقىن ورتاسىندا قالعان قايىقتا بولساڭىز، وندا ءسىز تۋىستارىڭىزبەن قاتىناستا نەمەسە جۇمىس بارىسىندا ۇلكەن قيىندىقتارعا تاپ بولۋىڭىز مۇمكىن؛ ەگەر تابيعات اپاتىن جاعادان كورىپ تۇرساڭىز، دەمەك الدا تۇرعان ماسەلەلەر ءسىزدى اينالىپ وتەدى. ەگەر ءسىز جاعادا تۇرىپ، جاقىنداپ كەلە جاتقان تسۋنامي تولقىنىنا قاراپ وتىرساڭىز، بۇل شىن مانىندە ءسىز شەشىلمەگەن پروبلەمالار مەن كەيىنگە قالدىرىلعان مىندەتتەرگە «كومىلىپ قالعانىڭىزدى» بىلدىرەدى. دەمەك، ولاردى شەشۋگە نازار اۋداراتىن ۋاقىت كەلدى.

تەڭىز جانۋارىن تاماشالاۋ

تەڭىز تۇبىندە جاسىرىنىپ جاتقان جۇمباق قۇبىجىق نەمەسە تولقىنمەن ويناعان كوڭىلدى دەلفين كورسەڭىز دە - مۇنىڭ ءبارى ءسىزدىڭ ساناڭىزعا جاسىرىلعان قۇپيا تىلەكتەرىڭىزدىڭ بەلگىسى.

جاسىرىن قورقىنىشتار نەمەسە اسقاق ارماندار ءبىزدىڭ ميىمىزدا وسىنداي تاڭعاجايىپ كەيىپكەرلەر ارقىلى «سويلەيدى».

ەگەر ءسىز ۇيىقتاعاندا ۇنەمى تەڭىز جانۋارلارىن كورەتىن بولساڭىز، وزىڭىزگە نەنى مويىنداعىڭىز كەلمەيتىنى نەمەسە نەنى قالايتىنىڭىز تۋرالى ويلانىڭىز. بۇل سىزگە ءوزىڭىزدى تۇسىنۋگە كومەكتەسەدى.

massaget.kz