ج ە ە ك وتىرىسى: قازاقستان پرەزيدەنتى ەكولوگيالىق قاۋىپسىزدىككە قاتىستى پىكىر ءبىلدىردى
مەملەكەت باسشىسى ەۋرازيالىق ەكونوميكالىق وداقتىڭ كليماتتىق كۇن ءتارتىبى مۇشە مەملەكەتتەردىڭ ەكولوگيالىق قاۋىپسىزدىكتىڭ جاھاندىق ماقساتتارى مەن تۇراقتى تومەن كومىرتەكتى دامۋدىڭ تراەكتورياسىنا كوشۋدى قولدايتىنىن كورسەتىپ تۇرعانىن ايتتى.
«قازاقستان پارنيكتىك گازدار شىعارىندىلارىنىڭ تومەن دەڭگەيىمەن ۇزاق مەرزىمدى ستراتەگيانى دايارلاۋ سالاسىندا پاريج كەلىسىمىنىڭ مىندەتتەمەلەرىن ورىنداۋ بويىنشا بەلسەندى جۇمىس باستالدى. 2060-جىلعا قاراي قازاقستاننىڭ كومىرتەگى بەيتاراپتىلىعىنا قول جەتكىزۋى دوكتريناسىنىڭ جوباسى ازىرلەندى»، - دەدى پرەزيدەنت.
سونىمەن قاتار مەملەكەت باسشىسى مۇشە مەملەكەتتەر ەكونوميكالارىنىڭ ەرەكشەلىگى مەن قۇرىلىمىن ەسكەرە وتىرىپ، «جاسىل ەكونوميكا» كۇن ءتارتىبى ماقساتتارىنا قول جەتكىزۋ ءۇشىن ۇكىمەتتەردىڭ تاجىريبە الماسۋى مەن ءوزارا ءىس-قيمىلىن پىسىقتاۋ تۇرعىسىندا ۇسىنىس ايتتى.
بۇدان بۇرىن حابارلانعانداي، قازاقستان پرەزيدەنتى قاسىم-جومارت توقايەۆتىڭ قاتىسۋىمەن بەينەبايلانىس رەجيمىندە جوعارى ەۋرازيالىق ەكونوميكالىق كەڭەستىڭ وتىرىسى ءوتتى.