ق ر پرەزيدەنتى ە ا ە و ەلدەرىنە ترانسشەكارالىق كولىك الەۋەتىن دامىتۋدى ۇسىندى
بۇل تۋرالى ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«ترانسشەكارالىق كولىك ارتەريالارى مەن لوگيستيكالىق حابتاردىڭ الەۋەتىن دامىتۋ دا ماڭىزدى. ەۋرازيالىق ەكونوميكالىق وداقتى «بەلدەۋ مەن جول» باستاماسىمەن تۇيىندەستىرۋ جانە زاماناۋي لوگيستيكالىق ينفراقۇرىلىمداردى قالىپتاستىرۋ وداقتىڭ الەمدىك تاۋار اعىنىنداعى ەكونوميكالىق ىقپالىن ايتارلىقتاي كۇشەيتە تۇسەدى»، - دەدى قاسىم-جومارت توقايەۆ جوعارى ەۋرازيالىق ەكونوميكالىق كەڭەس وتىرىسىندا.
مەملەكەت باسشىسىنىڭ اتاپ وتۋىنشە، ە ا ە و ەلدەرى قازىردىڭ وزىندە ينفراقۇرىلىمدىق جانە كولىكتىك جوبالار توپتاماسىن ازىرلەپ وتىر.
«ولاردى جۇزەگە اسىرۋدى جەتەلدەتۋمەن قاتار شەكارالىق كولىك اعىندارىنا قىزمەت كورسەتۋ باعاسىنا تارتىمدى تاريف قۇرۋ دا ماڭىزدى. بۇعان دەيىن دە ايتقانىمداي، كولىك ۆەدومستۆولارىن بارىنشا تىعىز ىنتىماقتاستىققا شاقىرامىن. بۇعان قوسا، كوميسسيا بارلىق مەملەكەتتەرمەن بىرگە كولىك دالىزدەرىنە، كەدەرگىلەرگە كەشەندى شولۋ جاساپ، ولاردى جويۋ بويىنشا ناقتى ءىس-شارالار ۇسىنا الار ەدى دەپ سانايمىن»، - دەدى ق ر پرەزيدەنتى.