مەملەكەتتىك ساتىپ الۋلار شاعىن جانە جاڭا بيزنەسكە قولجەتىمدى بولا تۇسەدى
بۇل تۋرالى ق ر باسەكەلەستىكتى قورعاۋ جانە دامىتۋ اگەنتتىگى ءتوراعاسىنىڭ ءبىرىنشى ورىنباسارى رۋستام احمەتوۆ ايتتى، دەپ حابارلايدى قازاقپارات.
«باسەكەلەستىكتى دامىتۋدىڭ كەلەسى باعىتى - تاۋارلاردى كونكۋرستان تىس ساتىپ الۋدى قىسقارتۋ. ارالاس ەكونوميكا جاعدايىندا ساتىپ الۋدى جۇزەگە اسىرۋ كەزىندە مەملەكەت ەكونوميكانىڭ ءبىرقاتار سالالارى ءۇشىن ەڭ ءىرى تۇتىنۋشى رەتىندە ارەكەت ەتەدى. بۇگىنگى تاڭدا مەملەكەتتىك جانە كۆازيمەملەكەتتىك ساتىپ الۋلار - كاسىپكەرلىكتى قولداۋدىڭ قۋاتتى قۇرالى بولىپ وتىر. سوندىقتان ءبىز شاعىن جانە جاڭا بيزنەس ءۇشىن ساتىپ الۋلارعا قولجەتىمدىلىكتى بارىنشا جەڭىلدەتۋىمىز كەرەك. سونىمەن بىرگە، ساتىپ الۋ راسىمدەرى مەن بيۋجەت شىعىستارىن وڭتايلاندىرۋ تۇرعىسىنان لوتتاردى ىرىلەندىرىپ، ساتىپ الۋدى ورتالىقتاندىرۋ، قارجىلىق تۇراقتىلىق، سالىق تولەمدەرى، جۇمىس تاجىريبەسى بويىنشا جوعارى تالاپ قويۋ ءجۇرىپ جاتىر، بۇل جاڭادان باستايتىندار مەن شاعىن كاسىپورىندار ءۇشىن ساتىپ الۋعا قولجەتىمدىلىكتى تولىعىمەن قامتيدى»، - دەدى رۋستام احمەتوۆ ماجىلىستەگى دوڭگەلەك ۇستەلدە.
ونىڭ ايتۋىنشا، تاعى ءبىر شەشىلمەگەن ماسەلە - ءبىر كوزدەن ساتىپ الۋ. 2020-جىلعى دەرەكتەرگە سايكەس ءبىر كوزدەن مەملەكەتتىك ساتىپ الۋ كولەمى 2 تريلليون 300 ميلليارد تەڭگەدەن استى، بۇل مەملەكەتتىك ساتىپ الۋدىڭ جالپى كولەمىنىڭ %40 ىن نەمەسە ج ءى ءو- ءنىڭ %3,6 ىن قۇرايدى.
«وسىعان بايلانىستى قازىرگى كەزەڭدە ءبىر كوزدەن ساتىپ الۋدىڭ 8 نەگىزدەمەسىن قولدانۋدى شەكتەۋ ۇسىنىلىپ وتىر، ونىڭ ەكەۋىن تولىعىمەن الىپ تاستاۋ كەرەك. وسى شاعىن وزگەرىستەردى ىسكە اسىرۋدان جىل سايىن 49 ميلليارد تەڭگەدەن استام ەكونوميكالىق تيىمدىلىك بايقالۋى مۇمكىن»، - دەدى سپيكەر.
ونىڭ ايتۋىنشا، باسەكەگە قابىلەتسىز ساتىپ الۋدى قىسقارتۋدىڭ تاعى ءبىر ءتاسىلى - مەملەكەتتىك تاپسىرمالاردى ءبولۋ ءۇشىن نەگىزدەمەلەردىڭ تولىق تىزبەسىن ايقىنداۋ.
ستاتيستيكا كورسەتكەندەي، مەملەكەتتىك تاپسىرمالارعا بولىنەتىن قاراجات كولەمى 2018-جىلعى 171 ميلليارد تەڭگەدەن 2020-جىلى 378 ميلليارد تەڭگەگە دەيىن جىل سايىن ءوسىپ كەلەدى.
«ۇسىنىلىپ وتىرعان تىزبە مەملەكەتتىك تاپسىرمالاردى قارجىلاندىرۋدىڭ ءوسۋىن شەكتەۋگە جانە ودان ءارى قىسقارتۋ ءۇشىن قۇقىقتىق نەگىز قالاۋعا مۇمكىندىك بەرەدى. زاڭ جوباسىندا ۇسىنىلعان قىسقارتۋدان 30 ميلليارد تەڭگە ۇنەمدەلۋى مۇمكىن»، - دەدى رۋستام احمەتوۆ.