ش ى ۇ- مەن ىنتىماقتاستىقتى ۇلعايتۋ قاجەت - پرەزيدەنت

نۇر-سۇلتان. قازاقپارات - شاڭحاي ىنتىماقتاستىق ۇيىمىمەن ىنتىماقتاستىقتى ۇلعايتى قاجەت.

بۇل تۋرالى جوعارى ەۋرازيالىق ەكونوميكالىق كەڭەس وتىرىسىندا ق ر پرەزيدەنتى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.

«شاڭحاي ىنتىماقتاستىق ۇيىمىمەن ىنتىماقتاستىقتى بەلسەندى تۇردە ۇلعايتۋ دا ماڭىزدى. بۇل باعىتتا قازىردىڭ وزىندە ءبىرىنشى ءارى ماڭىزدى قادام جاسالدى. وسى جىلدىڭ قىركۇيەگىندە ەۋرازيالىق ەكونوميالىق وداق پەن ش ى ۇ اراسىندا ءوزارا تۇسىنىستىك جانە ىنتىماقتاستىق تۋرالى مەموراندۋمعا قول قويىلدى»، - دەدى قاسىم-جومارت توقايەۆ.

مەملەكەت باسشىسى جاڭا ساۋدا بىرلەستىكتەرىمەن، تەگىس قامتيتىن وڭىرلىك ەكونوميكالىق سەرىكتەستىكپەن، ءوزارا ءىس-قيمىل ادىستەرىن ازىرلەۋ قىزىقتى بولاتىندىعىن باسا ايتتى.

تەگىس قامتيتىن وڭىرلىك ەكونوميكالىق سەرىكتەستىك قۇرۋ تۋرالى كەلىسىم 2020-جىلدىڭ 15- قاراشاسىندا حانويدا قۇرىلعانىن جانە ول پليۋس ەركىن ساۋدا ايماعىن قۇرۋدى كوزدەيتىندىگىن ەسكە سالىپ ءوتتى.

«ياعني، پليۋس بۇل ۇيىمنىڭ وزگە ەلدەرمەن ىنتىماقتاستىققا اشىق ەكەندىگىن بىلدىرەدى. ول 10 مەملەكەتتى - برۋنەي، ۆتنام، يندونەزيا، كامبودجا، لاوس، مالايزيا، ميانما، سينگاپۋر، تايلاند، فيليپپين، سونىمەن قاتار اسەان- مەن ەركىن ساۋدا كەلىسىمىنە قول قويعان مەملەكەتتەردى قامتيدى»، - دەدى ق ر پرەزيدەنتى.