+7 (701) 759 90 19
USD 425.07 EUR 494.14
RUB 6.06 CNY 66.55
جاڭالىقتار

ادامزات ءالى كۇنگە دەيىن توزىمسىزدىك پەن كسەنوفوبيادان ارىلا الماي وتىر - پرەزيدەنت

14 قازان 13:34
:ءبولىسۋ
ادامزات ءالى كۇنگە دەيىن توزىمسىزدىك پەن كسەنوفوبيادان ارىلا الماي وتىر - پرەزيدەنت

تاراز. قازاقپارات – ق ر پرەزيدەنتى قاسىم-جومارت توقايەۆ تارازدا ءوتىپ جاتقان «قازىرگى كەزەڭدەگى ەتنوسارالىق كەلىسىم: تاجىريبە جانە كەلەشەكتەگى مىندەتتەر» اتتى حالىقارالىق كونفەرەنسياعا قاتىسۋشىلارىنا ۇندەۋ جولدادى، دەپ حابارلايدى قازاقپارات.

«جالپى ۇلتتىق بىرلىك - قازاقستاننىڭ بارلىق جەتىستىكتەرىنىڭ باستاۋىندا تۇراتىن باعا جەتپەس بايلىعىمىز. تۇڭعىش پرەزيدەنتىمىز - ەلباسى نۇرسۇلتان ءابىش ۇلى نازاربايەۆتىڭ باسشىلىعىمەن ەلىمىزدە ەتنوسارالىق كەلىسىمنىڭ وزىندىك مودەلى قالىپتاستى. بۇكىل الەم مويىنداعان وسى ۇلگى بارشا ەتنوس جانە كونفەسسيا وكىلدەرىن ۇيىستىرۋعا، مادەنيەتتەر مەن تىلدەردى ءوزارا ۇيلەسىمدى دامىتۋعا نەگىزدەلگەن. قازاقستان ءوزىنىڭ ۇلتتىق بىرەگەيلىگىنىڭ نەگىزى سانالاتىن «بىرلىگىمىز - ءارالۋاندىقتا» دەگەن قاعيداتتى بەرىك ۇستانىپ كەلەدى. ءبىز حالقىمىزدىڭ ىرىستى ىنتىماعى مەن جاسامپاز ەڭبەگىنىڭ ارقاسىندا تاۋەلسىزدىگىمىزدى نىعايتىپ، قۋاتتى مەملەكەت قۇردىق»، - دەلىنگەن پرەزيدەنت ۇندەۋىندە.

مەملەكەت باسشىسىنىڭ ايتۋىنشا، جاھاندىق جانە وڭىرلىك دەڭگەيدەگى جاڭا سىن- قاتەرلەر جاعدايىندا ەل بىرلىگىن نىعايتۋدىڭ ماڭىزى ارتا ءتۇستى.

«ادامزات ءالى كۇنگە دەيىن توزىمسىزدىك پەن كسەنوفوبيادان ارىلا الماي وتىر. كوپتەگەن مەملەكەتتە ەتنوسارالىق سيپاتتاعى الەۋمەتتىك شيەلەنىس ءورشىپ بارادى. سوندىقتان، حالىقارالىق قاۋىمداستىقتىڭ الدىندا وسى تۇيتكىلدى ماسەلەنى شەشۋدىڭ ءتيىمدى جولدارىن ىزدەۋ، قوعامدىق دامۋدىڭ جاڭا ينكليۋزيۆتى مودەلىن ازىرلەۋ مىندەتتەرى تۇر. بۇل رەتتە ساراپشىلار مەن كاسىبي زەرتتەۋشىلەردىڭ عىلىمي ۇستانىمنان اينىماي، بەلسەندى جۇمىس ىستەۋى اسا ماڭىزدى. كونفەرەنتسياعا قاتىسۋشىلار تىڭ يدەيا ۇسىنىپ، ءوز تاجىريبەلەرىن ءبولىسىپ، سىندارلى سۇحبات قۇرادى دەپ سەنەمىن. ەڭبەكتەرىڭىز جەمىستى بولسىن!»، - دەپ تولىقتىرىلعان ۇندەۋ ءماتىنى.



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
Анаргуль Хамитова
Анаргуль Хамитова
954-049

مۇراعات