+7 (701) 759 90 19
USD 426.01 EUR 493.75
RUB 6.05 CNY 66.62
جاڭالىقتار

جامبىل وبلىسىندا جارىلىستار ەستىلۋدە: قورعانىس مينيسترلىگى تۇسىنىك بەردى

14 قازان 13:56
:ءبولىسۋ
جامبىل وبلىسىندا جارىلىستار ەستىلۋدە: قورعانىس مينيسترلىگى تۇسىنىك بەردى

نۇر-سۇلتان. قازاقپارات - جامبىل وبلىسىندا وق-ءدارى قالدىقتارىن جارۋ جۇمىستارى باستالدى. بۇل تۋرالى ق ر قورعانىس مينيسترلىگىنەن ءمالىم ەتتى، دەپ حابارلايدى قازاقپارات ءتىلشىسى.

«بۇعان دەيىن حابارلانعانداي، جامبىل وبلىسىنىڭ بايزاق اۋدانىندا ق ر قورعانىس مينيسترلىگىنىڭ ينجەنەرلىك- ساپەرلىك بولىمشەلەرىنىڭ كۇشىمەن وق- ءدارى قالدىقتارىن باقىلاۋمەن جارۋ باستالدى. جۇمىس وسى جىلدىڭ 13-قاراشاسىنا دەيىن، دۇيسەنبىدەن جۇماعا دەيىن كۇندەلىكتى جۇرگىزىلەدى. بۇل ءۇشىن اسكەري بولىمنەن جانە ەلدى مەكەندەردەن 12 شاقىرىمنان استام قاشىقتاعى تاۋلى جەر تاڭداپ الىندى»، - دەدى قورعانىس مينيسترلىگىنەن.

ۆەدومستۆو مالىمەتىنشە، ماماندار توبى جەرگىلىكتى حالىق پەن ينجەنەرلىك- ساپەرلىك بولىمشەلەر جەكە قۇرامىنىڭ قاۋىپسىزدىگىن قامتاماسىز ەتۋ ءۇشىن تاڭدالعان جەر ۋچاسكەسىن تولىعىمەن زەردەلەگەن. جەرگىلىكتى اتقارۋشى ورگاندار مەن جەرگىلىكتى حالىققا جارۋ جۇمىستارىنىڭ جۇرگىزىلۋى تۋرالى الدان الا حابارلانعان.

«جامبىل وبلىستىق ىشكى ىستەر دەپارتامەنتىنىڭ قىزمەتكەرلەرىن تارتا وتىرىپ، اسكەري پوليتسيا كۇشىمەن جارۋ ورنىنىڭ اينالاسىنداعى اۋماق قورشالدى. جارۋ كەزىندە دىبىستىق اسەر بولادى. جۇرگىزىلەتىن جۇمىستىڭ جەرگىلىكتى حالىق ءۇشىن قاۋپى جوق»، - دەلىنگەن تاراتىلعان اقپاراتتا.

اۆتور: مارلان جيەمباي



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049

مۇراعات