قازاقستاندا كومىر مەن شيكى مۇناي ءوندىرىسى تومەندەدى

نۇر- سۇلتان. قازاقپارات - قازاقستاندا كومىر، شيكى مۇناي جانە تابيعي گاز كەندەرىنىڭ ءوندىرىسى تومەندەدى.

قازاقپارات بۇل تۋرالى ق ر ستراتەگيالىق جوسپارلاۋ جانە رەفورمالار اگەنتتىگى ۇلتتىق ستاتيستيكا بيۋروسىنا سىلتەمە جاساپ حابارلايدى.

«2021 -جىلعى قاڭتار- قىركۇيەكتە 2020 -جىلعى قاڭتار- قىركۇيەكپەن سالىستىرعاندا تاماق ونىمدەرىنىڭ، سۋسىن، رەزەڭكە جانە پلاستماسسا بۇيىمدارىنىڭ، وزگە دە بەيمەتالل مينەرالدىق ونىمدەرىنىڭ، حيميا جانە فارماتسيەۆتيكا ونىمدەرىنىڭ، جەڭىل ونەركاسىپ جانە ماشينا جاساۋ ءوندىرىسىنىڭ ءوسۋى بايقالدى. كومىر، شيكى مۇناي جانە تابيعي گاز كەندەرىنىڭ ءوندىرىسى تومەندەدى. ونەركاسىپتىك ونىمدەردىڭ ءوندىرىس كولەمىنىڭ ءوسۋى رەسپۋبليكانىڭ 14 وڭىرىندە بايقالدى»، - دەلىنگەن مالىمەتتە.

بيىلعى قاڭتار- قىركۇيەكتە ەلىمىزدە ءوندىرىلدى:

- مۇناي (گاز كوندەنساتىن قوسقاندا) 62,4 ميلليون توننا؛

- مىس كەندەرى 91,4 ميلليون توننا؛'

- ۇن 2,3 ميلليون توننا؛

- بەنزين 3,5 ميلليون توننا؛

- ديزەلدى وتىن 3,8 ميلليون توننا؛

- ەلەكتر ەنەرگياسى - 83,9 ميلليارد. ك ۆ ت. ساعات.