كاناداداعى وقىس وقيعا: ۇيىقتاپ جاتقان ايەلدىڭ توسەگىنە مەتەوريت قۇلاعان

نۇر- سۇلتان. قازاقپارات - كانادادا ۇيىقتاپ جاتقان ايەلدىڭ توسەگىندە مەتەوريت قۇلاعان، دەپ حابارلايدى قازاقپارات.

كانادادا بريتاندىق كولۋمبيانىڭ گولدەن قالاسىنان رۋف گاميلتوننىڭ ۇيىقتاپ جاتقان بولمەنىڭ شاتىرىن تەسىپ ءوتىپ، شامامەن ادام جۇدىرىعى كولەمىندەي مەتەوريت تۋرا ونىڭ توسەگىنە تۇسكەن.

بۇل تۋرالى The Golden Star جاڭالىقتار سايتى ءوزىنىڭ Facebook - تەگى پاراقشاسىندا حابارلادى.

سۇحباتىندا گاميلتون قاتتى ۇيىقتاپ جاتقانىن، كەنەتتەن گيپس- قاتىرما سىنىقتارى بەتىنە قۇلاعاندىعىنان شوشىپ ويانعاندىعىن ايتتى. دەرەۋ جارىقتى قوسقاندا توبەدەگى تەسىكتى كورگەن. وسىدان كەيىن ول 911 گە وقىس وقيعا جايلى قوڭىراۋ شالىپ، وپەراتور سۇراقتار قويىپ جاتقاندا، ول جاتىن بولمەگە قايتا ورالىپ، ەكى جاستىقتىڭ ءبىرىنىڭ استىنداعى بەلگىسىز تاستى بايقاعان. ابىروي بولعاندا توبەنى تەسىپ وتكەن مەتەوريت باسىنان بىرنەشە سانتيمەتردەي عانا جەردە قۇلاعان.

گاميلتون مەتەوريتتى 10-قازانعا دەيىن ساقتادى، سودان كەيىن ونى باتىس ونتاريو ۋنيۆەرسيتەتىنىڭ عالىمدارىنا زەرتتەۋگە تاپسىردى. قۇلاعان مەتەوريتتىڭ سالماعى شامامەن 1,3 كەلى بولعان.