+7 (701) 759 90 19
USD 425.07 EUR 494.14
RUB 6.06 CNY 66.55
جاڭالىقتار

ەلىمىزدە ايەلدەر يپوتەكاسى قالاي جۇزەگە اسىپ جاتىر

14 قازان 07:01
:ءبولىسۋ
ەلىمىزدە ايەلدەر يپوتەكاسى قالاي جۇزەگە اسىپ جاتىر

نۇر- سۇلتان. قازاقپارات - قازاقستاندا وتكەن جىلدان باستاپ ايەلدەرگە ارنالعان يپوتەكا پايدا بولدى. بۇگىندە 500 دەن استام ايەل يپوتەكاعا قولى جەتتى. بۇل تۋرالى «وتباسى بانكى» ا ق باسقارما ءتوراعاسى ءلاززات يبراگيموۆا ءمالىم ەتتى، دەپ قازاقپارات ءتىلشىسى.

«ايەلدەرگە ارنالعان يپوتەكانىڭ پايىزدىق مولشەرى جوعارى. ياعني جىلدىق مولشەرلەمەسى %11 دان استام بولسا، باستاپقى جارنا %20 دى قۇرايدى. بۇل ءتيىمدى شارت دەپ ويلايمىن، سەبەبى باسپانا باعاسىنىڭ %50 ن جيناۋدىڭ قاجەتى جوق. بىزگە بەرىلگەن العاشقى ترانش 8 ميلليارد تەڭگەنى قۇراپ وتىر. جانە بۇگىنگى تاڭدا شامامەن 570 ايەلگە نەسيە بەرىلدى. جالپى ايەلدەرگە ارنالعان يپوتەكاعا سۇرانىس جوعارى. تاعى ءبىر جايت قاتىسۋشىلار تابىس مولشەرىن كورسەتۋدى الىپ تاستاۋدى سۇراپ وتىر. وسى ورايدا ايتارىم، ءبىزدىڭ ماقسات - بىرەۋدىڭ تابىسىن ساناۋ ەمەس، كليەننىڭ يپوتەكانى تولەۋ الۋ مۇمكىندىگى مەن قابىلەتىن باقىلاۋ ماقساتىندا جاسالىپ وتىر»، - دەدى ءلاززات يبراگيموۆا Baigenews.kz اقپارات اگەنتتىگى جوباسىنىڭ تىكەلەي ەفيرىندە.

ەسكە سالا كەتسەك، قازاقستاندا ايەلدەرگە ارنالعان يپوتەكا ماسەلەسى 2019 -جىلى كوتەرىلگەن ەدى. ونداعى ماقسات - قازاقستاندا تۇرعىن ءۇي سالاسىندا گەندەرلىك تەڭدىكتى جەتىلدىرۋ. بۇعان دەيىن حابارلاعانىمىزداي، بيىل «ەلوردا جاستارى» تۇرعىن ءۇي باعدارلاماسى اياسىندا 200 استانالىق جاس باسپانالى بولادى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات