+7 (701) 759 90 19
USD 425.78 EUR 494.08
RUB 5.98 CNY 66.23
جاڭالىقتار

موڭعوليا سىرتقى ىستەر ءمينيسترىنىڭ قازاقستانعا العاشقى رەسمي ساپارى ءوتتى

13 قازان 22:42
:ءبولىسۋ
موڭعوليا سىرتقى ىستەر ءمينيسترىنىڭ قازاقستانعا العاشقى رەسمي ساپارى ءوتتى

نۇر-سۇلتان. قازاقپارات - قازاقستان-موڭعوليا قاتىناستارى تاريحىندا العاشقى رەت موڭعوليا سىرتقى ىستەر ءمينيسترى باتمۋنحين باتتسەتسەگتىڭ قازاقستان رەسپۋبليكاسىنا رەسمي ساپارى ءوتتى.

موڭعوليا ءمينيسترىنىڭ اتالمىش ساپار ازياداعى ءوزارا ءىس-قيمىل جانە سەنىم شارالارى كەڭەسىنە (ا و س ش ك) مۇشە مەملەكەتتەردىڭ سىرتقى ىستەر مينيسترلەرى كەڭەسىنىڭ 6-وتىرىسىنا قاتىسۋ شەڭبەرىندە ءوتتى، دەپ حابارلايدى قازاقپارات ق ر سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ.

ساپار بارىسىندا موڭعوليا سىرتقى ساياسي ۆەدومستۆوسىنىڭ باسشىسى قازاقستان رەسپۋبليكاسىنىڭ پرەزيدەنتى قاسىم-جومارت توقايەۆپەن، قازاقستان رەسپۋبليكاسىنىڭ پرەمەر-ءمينيسترى اسقار مامينمەن، ق ر سىرتقى ىستەر ءمينيسترىنىڭ مىندەتىن اتقارۋشىسى اقان راحمەتۋلينمەن، سونداي-اق باسقا دا مەملەكەتتىك مەكەمەلەر جانە ۇيىمداردىڭ باسشىلارىمەن كەزدەستى.

اتالعان كەزدەسۋلەردىڭ بارىسىندا ەكىجاقتى ساياسي، ساۋدا-ەكونوميكالىق جانە مادەني-گۋمانيتارلىق ىنتىماقتاستىق، سونداي-اق تاراپتاردىڭ ب ۇ ۇ، ا و س ش ك، ش ى ۇ جانە باسقا دا وڭىرلىك جانە حالىقارالىق ۇيىمدار شەڭبەرىندەگى ىقپالداستىعى تالقىلاندى.

س ءى م- دەگى كەزدەسۋدە تاراپتار بيىلعى قازاقستان مەن موڭعوليا اراسىنداعى تاۋار اينالىمىنىڭ وڭ ديناميكاسى اتالىپ ءوتتى، ساۋدا-ەكونوميكالىق جانە عىلىمي-تەحنيكالىق ىنتىماقتاستىق جونىندەگى ۇكىمەتارالىق كوميسسياسىنىڭ جۇمىسىن كۇشەيتۋگە نيەت ءبىلدىردى.

سونىمەن قاتار، ەكى ەل اراسىنداعى مادەني-گۋمانيتارلىق بايلانىستاردىڭ جانە عىلىمي باعدارلامالاردىڭ ماڭىزدىلىعى اتاپ ءوتىلدى.

ءوز كەزەگىندە، ب. باتتسەتسەەگ موڭعول تاراپىنىڭ اۋىل شارۋاشىلىعى جانە تاۋ-كەن ونەركاسىبى سالالارىنداعى بىرلەسكەن ءىس-قيمىلدى كەڭەيتۋگە دايىندىعىن ءبىلدىردى.

تاراپتار موڭعولياداعى قازاق دياسپوراسى ەكىجاقتى ىنتىماقتاستىقتىڭ دامۋىنا وڭ سەرپىن تيگىزەتىن «جاندى كوپىر» بولىپ تابىلاتىنىن اتاپ ءوتتى.

ساپار بارىسىندا ەكى ەلدىڭ سىرتقى ساياسي ۆەدومستۆولارى اراسىندا 2021-2024-جىلدارعا ارنالعان ىنتىماقتاستىق باعدارلاماسىنا قول قويىلدى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات