پرەزيدەنت قازاقستاننىڭ كومىرتەگىنەن بەيتاراپتىلىق دوكتريناسىنىڭ قارجىلىق اۋقىمىن اتادى
ەلوردادا ءوتىپ جاتقان «پاريج كەلىسىمىنىڭ ماقساتتارىنا قول جەتكىزۋ جولدارى جانە قازاقستاننىڭ كومىرتەگى بەيتاراپتىلىعى» اتتى حالىقارالىق كونفەرەنسيادا مەملەكەت باسشىسى قاسىم-جومارت توقايەۆ وسىنداي دەرەك كەلتىردى، دەپ حابارلايدى قازاقپارات ءتىلشىسى.
«قويىلىپ وتىرعان ماقساتتاردى تابىستى ىسكە اسىرۋ 2030-جىلدىڭ ماقساتتارىنا عانا ەمەس، ياعني شىعارىندىلاردى 1990-جىلعى دەڭگەيدەن %15 تومەندەتۋگە، سونداي-اق 2060-جىلعا قاراي پارنيكتىك گازداردىڭ تەڭگەرىمىن نولدىك دەڭگەيگە جەتكىزۋگە مۇمكىندىك بەرەدى»، - دەدى قاسىم-جومارت توقايەۆ.
سونداي-اق، ول وسى شارالاردىڭ ناتيجەسىندە اتموسفەراعا 9 ميلليارد توننادان استام كومىرتەگىنىڭ قورشاعان ورتاعا تاستالۋ جولى كەسىلەتىنىن اتادى.
«دوكترينا جوباسى بويىنشا، ەلدە بۇل ستسەناريدى جۇزەگە اسىرۋ ءۇشىن شامامەن 700 ميلليارد دوللار قاجەت بولادى. بۇل ينۆەستيتسيالاردىڭ جارتىسى ەلەكتر ەنەرگياسى مەن جىلۋ ءوندىرۋ سەكتورىن جاڭعىرتۋ ءۇشىن قاجەت. ارينە، ءبىز بارلىق سانداردى مۇقيات ساناپ، كىرىسپەلەردى مۇقيات تەكسەرىپ، قۇرالدار جيىنتىعىنىڭ دۇرىستىعىنا كوز جەتكىزۋىمىز كەرەك»، - دەدى پرەزيدەنت.