قانات يسلام افريكالىق بوكسشىدان قورقاتىنى ايتىلدى

None
None
نۇر-سۇلتان. قازاقپارات - ناميبيالىق بوكسشى ۋولتەر كاۋتوندوكۆانىڭ (18-2، 17 ك و) كومانداسى قانات يسلامعا (27-0، 21 ك و) قارىمتا وتكىزۋدى ۇسىنعان ەكەن.

Vesti.kz تىلشىسىنە بەرگەن سۇحباتىندا بۇل تۋرالى مەنەدجەر نەستور توبياس ايتىپ بەردى.

بوكسشىلار اراسىنداعى جەكپە-جەك 2019-جىلى 26- قازان الماتىدا ءوتىپ، تورەشىلەر شەشىمىمەن قانات جەڭگەن ەدى.

«ۋولتەرمەن ايقاستان كەيىن قانات ءبىر-اق رەت جۇدىرىقتاستى. ول قارسىلاس تابۋدان قيىندىق كوردى. بۇعان قاراماستان ونىڭ كومانداسى ءبىزدىڭ ۇسىنىستى ەلەمەي كەلەدى. ءبىز ءبىر جىل بويى كەز كەلگەن شارتپەن قازاقستاندا نەمەسە وزگە ەلدە قارىمتا وتكىزۋدى ۇسىنىپ كەلەمىز. ولار ءبىزدىڭ حابارلامالارعا جاۋاپ بەرمەي ءجۇر. جەڭىلىپ قالامىز دەپ قورىققانى ما؟

ولاردىڭ جەكپە-جەگى تاماشا بولدى. بۇل ايقاستى كوپشىلىك قايتالاپ كورگىسى كەلەتىنىنە سەنىمدىمىن. وسىنشا بوس ۋاقىتى بار ادام ءبىزدى ەلەمەي جۇرگەنى وكىنىشتى»، - دەيدى توبياس.

سوڭعى جاڭالىقتار