+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

ەلوردادا العاش رەت ەرەكشە جاندار تەاترى اشىلدى

13 قازان 20:38
:ءبولىسۋ
ەلوردادا العاش رەت ەرەكشە جاندار تەاترى اشىلدى

نۇر-سۇلتان. قازاقپارات - ەلىمىزدە العاش رەت رەسمي تىركەلگەن ينكليۋزيۆتى ياعني ەرەكشە جاندار تەاترى اشىلدى.

ەلوردادا اشىلعان «قاناتتىلار» اتتى تەاتردا بۇگىندە قىزۋ دايىندىق جۇمىسى ءجۇرىپ جاتىر.

وسى ورايدا مادەني وشاق جەتەكشىسى ارنۇر ىسقاقوۆ جاڭا تەاتردىڭ قۇرىلۋ تاريحى مەن الداعى جوسپارى تۋرالى قازاقپارات تىلشىسىنە اڭگىمەلەپ بەردى.

«قاناتتىلار» ينكليۋزيۆتى تەاترى بيىل قاڭتار ايىندا رەسمي تۇردە تىركەلدى. ال بۇل تەاتردى اشۋ تۇجىرىمداسى مەن نەگىزى 2018-جىلى قولعا الىندى. سول جىلى ەلوردا كۇنىنە وراي نۇر-سۇلتان قالاسىندا ينكليۋزيۆتى تەاترلاردىڭ حالىقارالىق فەستيۆالى ءوتتى.

اتالعان فەستيۆالگە كورشى رەسەي مەن ۋكراينادان بىرنەشە تەاتر كەلدى.

- ولاردىڭ نەگىزى ارىدە قالانعان جانە قۇرامى دا ۇلكەن. سودان كەيىن بىزدە دە نەگە ينكليۋزيۆتى تەاتر اشپاسقا دەگەن وي كەلدى. ارينە كەيبىر وڭىرلەردە قوعامدىق بىرلەستىكتەر جانىنان كىشىگىرىم ۇجىم بولىپ قۇرىلىپ نەمەسە ۇيىرمە رەتىندە جۇمىس ىستەپ جاتقان ينكليۋزيۆتى شىعارماشىلىق توپتار بار. ءبىراق مەملەكەتتىك دەڭگەيدە ەرەكشە جاندار تەاترى جوق. سوندىقتاندا ءبىزدىڭ تەاتردى قازاقستاندا العاش قۇرىلعان ينكليۋزيۆتى تەاتر دەپ ايتا الامىن، - دەدى تەاتر جەتەكشىسى ارنۇر ىسقاقوۆ.

«قاناتتىلار» ينكليۋزيۆتى تەاترى ەلورداداعى «جاستار» تەاترىنىڭ جانىنان اشىلىپ وتىر. جانە بۇگىندە تەاتردا قىزۋ دايىندىق جۇمىسى ءجۇرىپ جاتىر.

«قاڭتاردان بۇگىنگە دەيىن ارتىستەردى قابىلداۋ، قويىلىمعا دايىندىق جۇمىسى ءجۇرىپ كەلەدى. كۇتىمدى تالاپ ەتەتىن جاندارمەن جۇمىس ىستەۋدىڭ وزىندىك ەرەكشەلىگى بار. تاعى ءبىر ايتىپ وتەتىن جايت، ولار كاسىبي ارتىستەر ەمەس. ولاردىڭ ساحنادا ونەر كورسەتۋگە ۇيرەتۋ، سويلەۋ مانەرى، كوپشىلىك الدىندا ءوزىن ۇستاي ءبىلۋ باعىتىندا كەڭ كولەمدى جۇمىس اتقارىلىپ جاتىر. ءبىلىم-بىلىكتىلىكتى ارتتىرۋ ماقساتىندا ەلوردا جانە الماتىداعى ونەر وقۋ ورىندارىمەن كەلىسىمگە كەلىپ، ءبىزدىڭ ارتىستەردى كاسىبي تۇردە دايارلاۋ جوسپارىمىز بار. كاسىبي ءبىلىم وتە ماڭىزدى»، - دەيدى ول.

ەرەكشە تەاتردىڭ 20 شاقتى ءارتىسى بار. ونىڭ قاتارىندا 8 ەستۋ قابىلەتى ناشار جان، 5 ارباداعى جان، 3 كورۋ قابىلەتى تومەن جانە 2 د ت س پ- مەن (بالالاردىڭ تسەلەبرالدى سال اۋرۋى) دياگنوزى بار ەرەكشە ءارتىس. سونداي-اق، سۋردو اۋدارماشى مامانى بار.

«ارتىستەردى تاڭداۋدا كاستينگ ۇيىمداستىرىپ، ايرىقشا ىرىكتەۋدەن وتكىزدىك دەي المايمىن. باستىسى بالالار مەن ەرەسەكتەردىڭ قابىلەتى مەن ىنتاسىنىڭ بولۋى. جانە بۇرىن-سوڭدى ساحناعا شىعىپ ونەر كورسەتىپ جۇرگەن جانداردى تاڭداپ الدىق. قويىلىمعا كەلسەك، ءبىزدىڭ الدىمىزدا ەكى تاڭداۋ تۇردى، ءبىرى دايىن سپەكتاكلدى ىمداۋ تىلىنە اۋدارىپ ساحنالاپ شىعۋ، ەكىنشى ءوز قويىلىمىمىزدى ازىرلەۋ. ونەر وشاعىمىزدىڭ رەسمي شىمىلدىعىن اشاتىن سپەكتاكلدى تەاترىمىزدىڭ اتاۋىمەن «قاناتتىلار» دەپ اتادىق. تەاتردىڭ اشىلۋىنا ساناۋلى كۇن قالدى، دايىندىق قىزۋ ءجۇرىپ جاتىر. الداعى ۋاقىتتاعى قويىلىمدارىمىزدا ومىرمەن بايلانىستى، ومىردەن الىنعان جايتتارمەن بايلانىستى بولماق. ءبىزدىڭ ماقسات - قاراپايىم ادام بولسىن، ەرەكشە ادامدى بولسىن ىنتالاندىرۋ، جىگەرلەندىرۋ»، - دەدى ا. ىسقاقوۆ.

سونداي-اق، تەاتر جەتەكشىسى ايرىقشا جاندارمەن جۇمىس ىستەۋدىڭ ەرەكشەلىگىنە توقتالىپ ءوتتى.

«ارينە باستاپقى كەزدە وڭايعا سوققان جوق. ءار جاننىڭ وزىندىك ەرەكشەلىگى بار، اسىرەسە ول دايىندىق كەزىندە بايقالدى. مىسالى، دايىندىق كەزىندە ءبىر ءارتىستىڭ قۇلاعى ناشار ەستىسە، ەكىنشىنىڭ كوزى كورمەيدى. وسى تۇستا ارقايسىسىمەن جەكە تۇردە جۇمىس ىستەۋ كەرەك. كەيدە ارتىستەرىمىزدىڭ اۋىرىپ قالاتىن جاعدايدا دا بولدى. تاعى ءبىر ماسەلە كولىك بولدى. ارتىستەردى كۇندەلىكتى تەاترعا الىپ كەلىپ، الىپ كەتۋ قيىندىق تۋدىردى. ەگەر دايىندىققا ءبىر ادام كەلمەي قالسا ول تۇرىپ قالادى. سەبەبى سپەكتاكل قويۋ كوماندالىق جۇمىس. قۋانىشقا وراي قالالىق اكىمدىك كولىك ماسەلەسىن شەشىپ بەردى»، - دەدى تەاتر باسشىسى.

ونەر جاناشىرى ەلىمىزدىڭ بارلىق وڭىرىندە ەرەكشە جاندار تەاترىنىڭ اشىلعانىن ارماندايدى.

«قويىلىم ارنايى تاپسىرىسپەن جازىلعان. ونىڭ اۆتورى تانىمال اقىن، مەملەكەتتىك سىيلىقتىڭ يەگەرى گۇلنار سالىقباي. سپەكتاكل مۇمكىندىگى شەكتەۋلى جانداردىڭ ومىرلىك وقيعالارىنىڭ جيناعى نەگىزىندە جازىلىپ شىقتى. ارتىستەرىمىز كاسىبي ەمەس سوندىقتان كوپ تەر توگۋگە تۋرا كەلۋدە. كەيبىرەۋى مۋزىكانى ەستىمەيدى، كەيبىرەۋى ءرولدى سومداۋدا كۇلۋى ءتيىس جەردە كۇلمەي قويادى. ارينە مەن جالعىز ەمەسپىن، ءتيىستى مامانداردىڭ كومەگىمەن ءىسىمىز ىلگەرى باسىپ كەلەدى. ارتىستەرمەن قاتار ولاردىڭ ساحنالىق كيىمى دە ازىرلەنىپ جاتىر. جالپى قويىلىمنىڭ جانرى ليريكا، ماليكا ەسىمدى بويجەتكەننىڭ ماحاببات حيكاياسى دەسەم بولادى. سپەكتاكل ليريكالىق جانردا بولعانىمەن مازمۇنى ادام تاعدىرى مەن ءومىر تۋرالى، - دەدى تەاتر رەجيسسەرى نۇرفات ۆاحيتوۆ.

تەاتر رەجيسسەرى الداعى ۋاقىتتا ەل ىشىندە جانە شەتەلگە گاسترولدىك ساپارعا شىعۋ جوسپارىنىڭ دا بارىن ايتىپ قالدى.

«مەن ەلورداداعى اكادەميالىق فيلورمونيانىڭ ءسوليستىمىن. ول جەردە 3 جىل بويى جۇمىس ىستەپ كەلەمىن. تەاتردىڭ قويىلىمىندا مەن ءان ورىندايمىن. ناقتىراق ايتقاندا، ءومىر، ماحاببات تۋرالى رەترو اندەر. مەنىڭ ماقساتىم ءان ارقىلى سپەكتاكلدىڭ باستى رولىندەگى بويجەتكەننىڭ ىشكى دۇنيەسىن كورسەتۋ. بۇل تەاتردىڭ اشىلاتىنى تۋرالى جىلدىڭ باسىندا ەستتىم، ارينە وتەق قۋاندىم. ەرەكشە جاندارعا ارنالعان بولەك مادەني وشاق بولسا ەكەن دەپ ارماندايتىنمىن. بۇعان دەيىن تەاترلارعا كورەرمەن رەتىندە عانا كەلەتىنبىز، ەندى ءوزىمىز دە تەاتردا ونەر كورسەتۋ مۇمكىندىگى تۋىپ وتىر. بولاشاقتا تەاتر قويىلىمدارىنان ءرول بەرىلىپ جاتسا، قۋانا قابىل الامىن»، - دەدى تەاتر ءارتىسى التىنشاش مۇقاتايەۆا.

ايتا كەتەيىك، ەلورداداعى «قاناتتىلار» ينكليۋزيۆتى تەاترى رەسمي تۇردە 15- قازان كۇنى اشىلىپ، كورەرمەندەر نازارىنا «قاناتتىلار» اتتى قويىلىمدى ۇسىنادى.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات