قاسىم-جومارت توقايەۆ موڭعوليا باسشىلىعىنا قازاقتارعا دەگەن قۇرمەتى ءۇشىن ريزاشىلىعىن ءبىلدىردى
بۇل تۋرالى مەملەكەت باسشىسى بۇگىن موڭعوليا سىرتقى قاتىناستار ءمينيسترى باتمۋنح باتتسەتسەگپەن جۇزدەسۋى بارىسىندا ايتتى.
«وسى ءساتتى پايدالانا وتىرىپ، ەتنيكالىق قازاقتارعا كورسەتىلىپ وتىرعان قۇرمەتى پەن قامقورلىعى ءۇشىن ءسىزدىڭ ەلدىڭ باسشىلىعىنا جانە موڭعول حالقىنا ريزاشىلىعىمدى بىلدىرەمىن. موڭعوليا قازاقتارىنىڭ ءتىلىن، مادەنيەتى مەن ءداستۇرىن ساقتاۋ ماسەلەلەرى بويىنشا تىعىز ىنتىماقتاستىعىمىز جالعاسا بەرەدى دەپ ۇمىتتەنەمىن. بۇل - ءسىزدىڭ مەملەكەتىڭىز جۇرگىزىپ وتىرعان ۇلتتىق ساياساتتىڭ ناتيجەسى. مۇنى زور ريزاشىلىقپەن اتاپ وتكىم كەلەدى»، - دەدى قاسىم-جومارت توقايەۆ.
ايتا كەتەيىك، كەزدەسۋ بارىسىندا ەكى ەل اراسىنداعى قارىم-قاتىناس، ساۋدا، ەكونوميكا، لوگيستيكا باعىتتارى بويىنشا ءوزارا ىقپالداستىقتى دامىتۋ سياقتى وزگە دە كەڭ اۋقىمدى ماسەلەلەر تالقىلاندى.