+7 (701) 759 90 19
USD 425.78 EUR 494.08
RUB 5.98 CNY 66.23
جاڭالىقتار

قاسىم-جومارت توقايەۆ: قازاقستانداعى كليماتتىڭ وزگەرۋى بۇكىل ورتالىق ازياعا اسەر ەتەدى

13 قازان 19:55
:ءبولىسۋ
قاسىم-جومارت توقايەۆ: قازاقستانداعى كليماتتىڭ وزگەرۋى بۇكىل ورتالىق ازياعا اسەر ەتەدى

نۇر-سۇلتان. قازاقپارات - 2030-جىلعا قاراي قازاقستاننىڭ 7 وڭىرىندە استىق شىعىمى ناشارلاۋى مۇمكىن.

بۇل تۋرالى ق ر پرەزيدەنت قاسىم-جومارت توقايەۆ ەلوردادا ءوتىپ جاتقان «پاريج كەلىسىمىنىڭ ماقساتتارىنا قول جەتكىزۋ جولدارى جانە قازاقستاننىڭ كومىرتەگى بەيتاراپتىلىعى» حالىقارالىق كونفەرەنسيادا ءمالىم ەتتى، دەپ حابارلايدى قازاقپارات ءتىلشىسى.

«ب ۇ ۇ- نىڭ 2020-جىلعى دەرەكتەرى بويىنشا، كۇتىلىپ وتىرعان كليمات جاعدايىندا، 2030-جىلعا قاراي جازدىق ءبيدايدىڭ شىعىمى زەرتتەۋگە الىنعان اقمولا، اقتوبە، باتىس قازاقستان، قاراعاندى، پاۆلودار، قوستاناي، سولتۇستىك قازاقستان وبلىستارىندا ورتا ەسەپپەن قازىرگى دەڭگەيىنىڭ 63-87 پايىزىنا عانا جەتۋى مۇمكىن»، - دەگەن مەملەكەت باسشىسى مۇنىڭ اسەرى بۇكىل ورتالىق ازياعا اسەر ەتەتىنىن ەسكە سالدى.

«قازاقستان ورتالىق ازياداعى ءبيداي ەكسپورتتايتىن جالعىز مەملەكەت ەكەنىن ەسكەرسەك، بۇل جايت بۇكىل وڭىردەگى ازىق-تۇلىك قاۋىپسىزدىگىنە قاتەر توندىرەدى»، - دەدى پرەزيدەنت.

ايتا كەتەيىك، ەلوردادا «پاريج كەلىسىمىنىڭ ماقساتتارىنا قول جەتكىزۋ جولدارى جانە قازاقستاننىڭ كومىرتەگى بەيتاراپتىلىعى» حالىقارالىق كونفەرەنسيا ءوتىپ جاتىر.

شاراعا ق ر پرەزيدەنتى قاسىم-جومارت توقايەۆ، ق ر ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ، سونداي-اق ب ۇ ۇ- نىڭ جوعارى لاۋازىمدى تۇلعالارى، حالىقارالىق ساراپشىلار، ىسكەر توپتار مەن ازاماتتىق قوعام وكىلدەرى قاتىسۋدا.


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049

مۇراعات