ەلوردا تۇرعىندارى وزىنە قول سالماق بولعان بويجەتكەندى قۇتقارىپ قالدى
بۇل تۋرالى قازاقپارات نۇر- سۇلتان قالاسى پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ حابارلايدى.
كۋاگەر ايەلدىڭ ايتۋىنشا، كيىمىن شەشىپ، كوپىردىڭ جاقتاۋىنا تايانعان بويجەتكەننىڭ ارەكەتى ءبىرتۇرلى كۇدىك تۋدىرعان. وسىعان بايلانىستى ايەل بويجەتكەندى اڭگىمەگە تارتا باستاعان. وسى ساتتە ولارعا جاس جىگىت جۇگىرىپ كەلىپ، كوپىردەن سەكىرمەك بولعان قىزدى ۇستاپ ۇلگەرگەن. قىز كوپىردەن قۇلاۋعا ءسال- اق قالعان. وسىلايشا، ومىرىنەن كۇدەر ۇزگەن بويجەتكەن اجالدان امان قالىپ، قۇتقارشىلارى وعان باسۋ ايتىپ، پوليتسياعا تاپسىرعان.
«مەن ءوزىمدى كەرەمەت باتىرمىن دەمەيمىن. بولىپ جاتقان وقيعانى كورىپ تۇرىپ، دىم بولماعانداي كەتىپ قالا المادىم. تۇپتەپ كەلگەندە ءومىردىڭ قانداي دا ءبىر قيىندىعىنا تاپ بولعان ادامعا قول ۇشىن سوزۋ ءاربىرىمىزدىڭ پارىزىمىز»، - دەيدى 28 جاستاعى قالا تۇرعىنى.
«سىزگە ادام ءومىرىن قۇتقارىپ، بەلسەندى ازاماتتىق ارەكەتىڭىز ءۇشىن العىسىمدى بىلدىرەمىن»، - دەدى ەلوردا پوليتسياسىنىڭ باستىعى ەرجان سادەنوۆ ەلەنا كۋروچكينا مەن دارحان جاقسىلىقوۆقا العىس حاتتارىن تابىستاي وتىرىپ.
بالاسى دارحاندى ماراپاتتاۋ راسىمىنە اكەسى كەلىپ، ەلوردا پوليتسەيلەرىنە قىزمەتىنە تابىستار تىلەدى.