باتىس قازاقستاندا جىل باسىنان بەرى قانشا ادام كوروناۆيرۋستان كوز جۇمدى؟
ب ق و دەنساۋلىق ساقتاۋ باسقارماسىنىڭ باسپا ءسوز قىزمەتى ءمالىم ەتكەنىندەي، سوڭعى ايلاردا قايتقانداردىڭ كۇرت وسكەنى بايقالادى.
اتاپ ايتقاندا، قاڭتاردا - 28، اقپاندا - 15، ناۋرىزدا - 30، ساۋىردە - 41، مامىردا - 57، ماۋسىمدا 60 ادام قايتىس بولسا، شىلدەدە - 144، تامىزدا - 139، قىركۇيەكتە 90 عا جەتتى.
قازان ايىنىڭ العاشقى ون ءبىر كۇنىندە 14 ناۋقاس ومىردەن ءوتتى.
جالپى، پاندەميا باستالعاننان بەرى 785 ادام ىندەت قۇربانىنا اينالدى.
باسقارما مالىمەتىنە قاراعاندا، سوڭعى اپتادا الدىڭعىمەن سالىستىرعاندا، كوروناۆيرۋس جۇقتىرۋ كورسەتكىشى 8,8 پايىزعا ازايدى.
سوڭعى تاۋلىكتە 18 ادامنىڭ اۋىرعانى انىقتالسا، 19 ى ساۋىعىپ شىقتى. ىندەت باستالعاننان بەرى وبلىستا بارلىعى 38058 ناۋقاس تىركەلسە، سونىڭ 28837 ءسى بيىلعى جىلدىڭ ۇلەسىنە تيەدى.
ەسكە سالا كەتەيىك، بۇدان بۇرىن ب ق و- دا سوڭعى ءتورت كۇندە 230 ادامنان كوروناۆيرۋس انىقتالعانىن، سونداي-اق ىندەت جۇقتىرعان 100 گە جۋىق بالانىڭ ەمدەلىپ جاتقانىن جازعان بولاتىنبىز.