اقتوبەدە جۇكتىمىن دەپ جۇمىس بەرۋشىنى الداپ كەلگەن ايەلدىڭ ءىسى قارالىپ جاتىر
كەيىن دەكرەتتىك دەمالىسقا شىققان. مۇنىڭ ءبارى جالعان بولىپ شىقتى، دەپ حابارلايدى قازاقپارات ءتىلشىسى.
اقتوبە قالاسى الماتى اۋداندىق پوليتسيا قىزمەتى جۇكتىمىن دەپ دەكرەتتىك دەمالىسقا شىققان كۇدىكتىنىڭ ءىسىن قاراپ جاتىر.
پوليتسياعا ارىزدى مۇناي كومپانياسى تۇسىرگەن.
«جۇمىسشىسى ءوزىنىڭ جۇكتى ەكەنىن ايتىپ، جەڭىل قىزمەتكە اۋىستىرۋدى سۇراعان. كەيىن دەكرەتتىك دەمالىسقا شىققان. پروتسەسسۋالدىق شەشىمنىڭ زاڭدىلىعىن تەكسەرۋ كەزىندە كەلىنشەكتىڭ دارىگەرلەردى الداپ، جۇمىسقا جارامسىز ەكەنىن دالەلدەيتىن انىقتاما العانى، ءتىپتى ءبىر رەتتىك الەۋمەتتىك تولەمگە جانە بوسانعاننان كەيىنگى تولەمگە قول جەتكىزگەنى انىقتالدى. بۇل شامامەن 900 مىڭ تەڭگە بولادى. وسىعان بايلانىستى پروكۋراتۋرا قىلمىستىق كودەكستىڭ «الاياقتىق» بابى بويىنشا سوتقا دەيىنگى تەرگەۋدى باستادى. قىلمىستىق ءىستى تەرگەۋ كەزىندە ءتيىستى تەكسەرۋلەر جۇرگىزبەي جۇمىسقا جارامسىزدىعى تۋرالى انىقتاما بەرگەن دارىگەرلەردىڭ ارەكەتى دە تەكسەرىلەدى»، - دەپ جازدى اقتوبە قالاسى الماتى اۋدانىنىڭ پروكۋرورى جاسۇلان داۋلەمبايەۆ.