13:37, 11 - قازان 2021 | GMT +6
مەملەكەت باسشىسى ەلوردادا وتەتىن حالىقارالىق ماڭىزدى كونفەرەنسياعا قاتىسادى
نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ 13-قازاندا نۇر-سۇلتان قالاسىندا وتەتىن «پاريج كەلىسىمىنىڭ ماقساتتارىنا جانە قازاقستاننىڭ كومىرتەگىنە بەيتاراپتىعىنا قول جەتكىزۋ جولدارى» اتتى حالىقارالىق كونفەرەنسياعا قاتىسادى.
بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك ءۋالي جەلىدەگى پاراقشاسىندا جازدى.
ءىس-شارانىڭ ماقساتى - قازاقستاننىڭ 2060 -جىلعا قاراي كومىرتەگى بەيتاراپتىعىنا جەتۋ جولدارىن، ەكونوميكالىق جانە الەۋمەتتىك مۇمكىندىكتەردىڭ باسىم باعىتتارىن جانە كومىرتەگى بەيتاراپتىعىنا كوشۋ ءۇشىن قوماقتى قاراجات جۇمىلدىرۋدىڭ ماڭىزدىلىعىن تالقىلاۋ. كونفەرەنسياعا ب ۇ ۇ-نىڭ جوعارى لاۋازىمدى تۇلعالارى، حالىقارالىق ساراپشىلار، بيزنەس جانە ازاماتتىق قوعام، قارجى ينستيتۋتتارى، دامۋ جونىندەگى سەرىكتەستەر مەن ب ا ق وكىلدەرى قاتىسادى.