+7 (701) 759 90 19
USD 431.07 EUR 485.51
RUB 5.69 CNY 67.47
جاڭالىقتار

قىتاي چەمپيوناتىندا قازاق سپورتشىلارى جوعارى ناتيجەگە قول جەتكىزدى - شەتەلدەگى قازاق ءتىلدى ب ا ق- قا شولۋ

10 قازان 15:39
:ءبولىسۋ
قىتاي چەمپيوناتىندا قازاق سپورتشىلارى جوعارى ناتيجەگە قول جەتكىزدى - شەتەلدەگى قازاق ءتىلدى ب ا ق- قا شولۋ

نۇر- سۇلتان. قازاقپارات - «قازاقپارات» ح ا ا ادەتتەگىدەي شەتەلدەگى قازاق تىلىندە تارايتىن اقپارات كوزدەرىنە اپتالىق شولۋىن ۇسىنادى.

التايلىق قازاق سپورتشىلارى جوعارى ناتيجەگە قول جەتكىزدى - «اعاجاي- التاي» پورتالى

27- قىركۇيەكتە قىتايدىڭ سپورتتان XIV ۇلتتىق ويىندارى اياقتالدى. بۇل باسەكە ەل ىشىندەگى ەڭ جوعارى دەڭگەيدەگى سپورتتىڭ بارلىق تۇرىنەن وتكەن چەمپيونات بولاتىن. جارىستا بۇكىل ەلدەگى ەڭ مىقتى دەگەن ساڭلاقتار باق سىنادى. مەملەكەتتىك چەمپيوناتتا شىڭجاڭ اتىنان كەلگەن التاي ايماعىنىڭ سپورتشىلارى ءبىر التىن، 2 كۇمىس مەدال ەنشىلەدى، دەپ جازادى قىتايدىڭ «اعاجاي- التاي» اقپاراتتىق پورتالى.


«ءبىرىنشى بولىپ التايلىق بوكسشى توقتاربەك تاڭاتقان ۇلى ەرلەر اراسىندا 75 كەلى سالماقتا بەيجىڭ كومانداسىنداعى ۇلپار قارقىن ۇلىن ايقىن باسىمدىقپەن جەڭىپ، التىن مەدال الدى، ءسويتىپ بۇكىل شىڭجاڭنىڭ، التايدىڭ ابىرويىن اسىردى. ۇلتتىق سپورت باسەكەسىندە ەركىن كۇرەس تۇرىنەن ەرلەر اراسىنداعى 74 كەلى سالماق بويىنشا شىڭجاڭدىق 19 جاستاعى بالۋان جانبوتا جەكەن ۇلى فينالعا دەيىن بارلىق بەلدەسۋلەرىنەن سۇرىنبەي ءوتىپ، ، كۇمىس ولجالادى. تاعى ەكى التاي سپورتشىسى قاستەر ورمان ۇلى مەن تالعار ادىلبەك ۇلى 14- ۇلتتىق چەمپيوناتتا شىڭجاڭ اتىنان فۋتبول جارىسىنا قاتىناسىپ، كۇمىس مەدالعا قول جەتكىزدى»، دەپ جازدى altxw.com.


اتالعان ب ا ق- تىڭ كەلتىرگەن مالىمەتىنە سۇيەنسەك، وسى جولى شىڭجاڭ كومانداسى اتىنان قىتاي چەمپيوناتىنا قاتىناسقان سپورتشىلاردىڭ 9 ى التاي ايماعىنان بارعان. ولار بوكس، كۇرەس جانە فۋتبول سەكىلدى جارىس تۇرلەرىنەن باقتارىن سىناپ، باسىم بولىگىنەن جاقسى ناتيجەگە قول جەتكىزگەن.

تۇركيا قازاقستانداعى ينۆەستيتسيالارىن ەڭ كوپ ارتتىرعان ءۇشىنشى ەل - TRT

تۇركيا قازاقستانعا 388,7 ميلليون دوللار ينۆەستيتسيا سالدى. تۇركيا امەريكا قۇراما شتاتتارى جانە شۆەيتساريادان كەيىن قازاقستانعا ەڭ كوپ ينۆەستيتسيا قۇيعان ءۇشىنشى ەل، دەپ جازادى تۇركيا راديو تەلەۆيزيا پورتالى.

ايتا كەتۋ كەرەك، قازاقستان ۇلتتىق بانكىنىڭ كورسەتكىشتەرىنە قاراعاندا، وسى جىلدىڭ العاشقى جارتىسىندا ەلگە تىكەلەي سالىنعان شەتەلدىك ينۆەستيتسيا دەڭگەيى 2020 -جىلدىڭ سايكەس مەرزىمىمەن سالىستىرعاندا 30 پايىزعا ارتتى. اتالمىش ۋاقىتتا قازاقستانعا شەتەلدەن 11,1 ميلليارد دوللار ينۆەستيتسيا تارتىلعان. TRT- نىڭ كەلتىرگەن دەرەكتەرىنە سۇيەنسەك، وسى مەرزىمدە تۇركيا قازاقستانعا 388,7 ميلليون دوللار ينۆەستيتسيا سالعان. وسىلايشا وتكەن جىلمەن سالىستىرعاندا تۇركيانىڭ قازاقستانعا جاساعان ينۆەستيتسياسى 79,9 پايىزعا ارتقان.

«بيىلعى جىلدىڭ العاشقى شيرەگىندە قازاقستانعا ەڭ كوپ ينۆەستيتسيا سالعان ەلدەردى رەتىمەن ايتساق: گوللانديا، ا ق ش، شۆەيتساريا، رەسەي، ۇلى بريتانيا، قىتاي، بەلگيا، تۇركيا، فرانسيا مەن وڭتۇستىك كورەيا»، دەپ ءمالىم ەتتى تۇركيالىق ب ا ق.

بىشكەك قالاسىندا ەتنيكالىق قازاقتارمەن جانە وتانداستارمەن كەزدەسۋ ءوتتى - Kaznews

بۇل اقپاراتتى وسى اپتادا موڭعوليالىق Kaznews پورتالى دا جاريالاعان بولاتىن. «وتانداستار قورى» ك ە ا ق پرەزيدەنتى نۇرتاي ابىقايەۆتىڭ قاتىسۋىمەن 2021 -جىلعى 7- قازاندا بىشكەك قالاسىندا ەتنيكالىق قازاقتارمەن جانە وتانداستارمەن كەزدەسۋ ءوتتى، دەپ حابارلادى Kaznews.

ايتا كەتەيىك، 7- قازان كۇنى قىرعىز رەسپۋبليكاسىنىڭ ۇلتتىق كىتاپحاناسىندا «وتانداستار قورىنىڭ» پرەزيدەنتى نۇرتاي ابىقايەۆ باۋىرلاس ەلدەگى قانداستارمەن كەزدەسۋ وتكىزدى.

«سونىمەن قاتار، قازاقستان رەسپۋبليكاسى ەلشىلىگىنىڭ دەرەكتەرى بويىنشا قىرعىز رەسپۋبليكاسىندا 39 مىڭعا جۋىق ەتنيكالىق قازاق تۇرادى. جالپى، قازاقتار قىرعىزستان اۋماعىندا تۇراتىن ەتنوستار اراسىندا 7- ورىن الادى»، - دەپ جازدى موڭعوليالىق ب ا ق.

تاشكەنتتە قازاقستان كينوسى كۇندەرى ءوتتى - «ءوزا»

وتكەن اپتادا «جىبەك جولى جاۋھارى» اتتى XIII تاشكەنت حالىقارالىق كينوفەستيۆالى اياسىندا قازاقستاننىڭ كينوسى كۇندەرى باستالدى، دەپ حابارلادى «ءوزا» اقپارات اگەنتتىگى.

«اراعا 24 جىل سالىپ قايتا جاندانعان كينوفەستيۆال اياسىندا 14 ەلدىڭ كينو تۋىندىسى وزبەكستاندىق كينوسۇيەر قاۋىمعا 1 اپتا بويى كورسەتىلمەك. سولاردىڭ قاتارىندا 29- قىركۇيەك كۇنى وزبەكستان ۇلتتىق دراما تەاترىندا قازاق كينوسىنىڭ كۇندەرى، رەجيسسەر اقان ساتايەۆتىڭ «اناعا اپارار جول» اتتى كارتيناسىمەن اشىلدى»، دەپ جازادى وزبەكستاندىق ب ا ق.

«ءوزا» - نىڭ دەرەگىنشە، اشىلۋ سالتاناتىندا كينوفەستيۆالگە قازاقستاندىق دەلەگاتسيانى باستاپ كەلگەن «قازاقفيلم» ءتوراعاسى، رەجيسسەر اقان ساتايەۆ ءسوز سويلەپ، وندا XIII تاشكەنت حالىقارالىق كينوفەستيۆالىنىڭ قايتا جاندانۋىن زور جەتىستىك رەتىندە باعالادى. اقان ساتايەۆ باستاعان قازاقستاندىق كينوگەرلەر قاتارىندا، قازاقستان حالىق ءارتىسى نۇرجۇمان ىقتىمبايەۆ، رەجيسسەر ساتىبالدى تەكەيەۆ، بەرىك ايتجانوۆ، ارۋجان جازىلبەكوۆا، سامال ەسلياموۆا سىندى ت. ب اكتەر- اكريسالار بولدى.

وزبەكستاندىق ب ا ق- تىڭ دەرەگىنشە، قازاقستان كينوسى كۇندەرى اياسىندا كورسەتىلەر فيلمدەر توپتاماسى: «اناعا اپارار جول» (رەج. اقان ساتايەۆ)، «مۇزبالاق» (رەج. تۇردىبەك مايدان، تىلەك تولەۋعازى)، «كۇلتەگىن» (رەج. اداي ءابىلدينوۆ)، «امىرە» (رەج. دجەف ۆەسپا)، «ءبىر سەن ءۇشىن» (رەج. ارداق تولەۋباي)، «امانات» (رەج. ساتىبالدى نارىمبەتوۆ)، «جىلقى ۇرىلارى» (رەج. ەرلان نۇرمۇحامبەتوۆ)، «ورالمان» (رەج. ءسابيت قۇرمانبەكوۆ).

الەم بويىنشا التىنشى اباي مادەني- ىسكەرلىك ءۇيى اشىلدى- Parstoday

2021 -جىلى 7- قازان كۇنى الەم بويىنشا التىنشى «اباي مادەني- ىسكەرلىك ءۇيى» قىرعىز رەسپۋبليكاسىندا اشىلدى، دەپ حابارلايدى يران Parstoday اقپاراتتىق اگەنتتىگى.

ءىس- شاراعا قازاقستان رەسپۋبليكاسى پارلامەنتى ءماجىلىسىنىڭ دەپۋتاتتارى قازىبەك يسا مەن ماقپال تاجماعامبەتوۆا، «وتانداستار قورىنىڭ» پرەزيدەنتى نۇرتاي ابىقايەۆ، قىرعىز رەسپۋبليكاسىنداعى قازاقتار قاۋىمداستىعىنىڭ ءتوراعاسى گۇلشات اسىلبايەۆا قاتىستى.

يراندىق ب ا ق- تىڭ مالىمەتىنشە، «وتانداستار قورى» ك ە ا ق باسىم جوبالارىنىڭ ءبىرى شەتەلدە «Abai Uii» قازاق مادەني- ىسكەرلىك ۇيلەرىنىڭ جەلىسىن قۇرۋ بولىپ تابىلادى.

«Abai Uii» قىزمەتىنىڭ ماقساتى: شەتەلدەگى قازاق ۇلتتىق- مادەني ورتالىقتارىن ءبىرىڭعاي جەلىگە شوعىرلاندىرۋ ارقىلى حالىقتىق مادەني مۇرامىزدى كوپشىلىككە كەڭىنەن تانىتۋمەن قاتار الىس- جاقىن شەت ەلدەردەگى قازاق دياسپورالارى جانە وتانداستارمەن مادەني- گۋمانيتارلىق جانە ىسكەرلىك بايلانىستاردى نىعايتۋ، دامىتۋ جانە كەڭەيتۋ.

ەسكە سالا كەتەيىك، ق ر ا ج ق د م قولداۋىمەن جانە ق ر س ءى م كەلىسىمى بويىنشا شەت ەلدەردەگى قازاق مادەني ورتالىقتارى بازاسىندا 2020 -جىلى 5 «Abai Uii» ونلاين- فورماتتا اشىلىپ، جۇمىس ىستەۋدە: ومبى (رەسەي فەدەراتسياسى)، ىستامبۇل (تۇركيا) تاشكەنت (وزبەكستان)، بەرلين (گەرمانيا) جانە كيەۆ (ۋكراينا) قالالارىندا.

سونىمەن قاتار، «Abai Uii» ساياسي نەمەسە كوممەرتسيالىق جوبا ەمەس جانە قازاقستان رەسپۋبليكاسىنىڭ جەكە جانە زاڭدى تۇلعالارى مەن وتانداستاردىڭ شەتەلدە تۇراتىن وكىلدەرى اراسىنداعى بايلانىستاردى دامىتۋ جانە نىعايتۋ ماقساتىندا ارەكەت ەتەدى.

اۆتور: بەيسەن سۇلتان


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات