+7 (701) 759 90 19
USD 436.29 EUR 492.83
RUB 5.92 CNY 68.48
جاڭالىقتار

قازاق پەن قىرعىزعا اۋدارماشى قاجەت ەمەس -  مينيستر

9 قازان 13:08
:ءبولىسۋ
قازاق پەن قىرعىزعا اۋدارماشى قاجەت ەمەس -  مينيستر

نۇر- سۇلتان. قازاقپارات - تاۋەلسىزدىگىمنىڭ 30 جىلدىعىنا وراي قىرعىزستاندا قازاقستان مادەنيەتىنىڭ كۇندەرى اشىلدى. بىشكەك تۇرعىندارى وسى شارا اياسىندا كوپتەگەن كونسەرت پەن كورمەلەردى تاماشالاپ، قازاقستاندىق سۋرەتشىلەرمەن كەزدەسەدى.

سونداي- اق كوشپەندىلەر وركەنيەتتىڭ تالاي سىرىن اشقان ارحەولوگيالىق جادىگەرلەرمەن تانىسا الادى. قازاقستاننىڭ مادەنيەت كۇندەرى فيلم كورسەتىلىمدەرىنەن باستالدى. توپتاماعا ەلدىڭ تاريحي مۇراسى مەن وزەكتى ماسەلەلەرىن اشاتىن كارتينالار كىردى. كىرۋى تەگىن، سونداي- اق، دەمالىس كۇندەرى كورسەتىلەدى، ياعني بىشكەك تۇرعىندارىنىڭ كوبىسىندە قازاقستاندىق رەجيسسەرلەردىڭ تۋىندىلارىمەن تانىسۋعا مۇمكىندىگى بولادى.

اقتوتى رايىمقۇلوۆا، قازاقستاننىڭ مادەنيەت جانە سپورت ءمينيسترى:

- قازاق پەن قىرعىزدان جاقىن حالىق جوق. بىزگە اۋدارماشى دا قاجەت ەمەس. تاريحىمىز، ءدىنىمىز، ءداستۇرىمىز - ءبارى ورتاق. ارينە، ەلدەرىمىزدىڭ تاۋەلسىزدىگىنىڭ 30 جىلدىعى اتاپ وتىلەتىن كەزدە حالىقتارىمىزدى بىرىكتىرەتىن وسىنداي كەرەمەت شارالاردىڭ ءجيى ءوتۋىن تىلەيمىن.

ال قازاقستان مادەنيەتى كۇندەرىن اشۋ سالتاناتى ۇلتتىق فيلارمونيادا ءوتتى. گالا كونسەرتكە ەلىمىزدىڭ ەڭبەك ەرلەرى الىبەك دنيشيەۆ پەن روزا رىمبايەۆا قاتىستى. سونداي- اق جەرگىلىكتى جۇرت حالىق ءارتىسى نۇرجامال وسەنبايەۆا مەن ەڭبەك سىڭىرگەن ءارتىسى مايرا مۇحامەد قىزى ورىنداۋىنداعى ولەڭدەردى جىلى قابىلدادى. گالا- كونسەرتكە قۇرمەتتى قوناق رەتىندە قىرعىزستان پرەزيدەنتى سادىر جاپاروۆ دا كەلدى.

قايرات يماناليەۆ، قىرعىزستاننىڭ مادەنيەت ءمينيسترى:

- بىزگە قازاقستاننىڭ 400 دەي مادەنيەت قايراتكەرى كەلدى. اراسىندا انشىلەر، تەاتر مەن كينو اكتەرلەرى، تاريحشىلار مەن سۋرەتشىلەر بار. وسىنداي قۇمەتتى قوناقتاردىڭ بارلىعىن قۇشاق جايىپ قارسى الدىق. بۇل ءبىز ءۇشىن ۇلكەن شارا، ويتكەنى مادەنيەت تەك بۇگىنگى كۇنمەن شەكتەلمەيدى. مادەني ديالوگىمىزدى ۇدايى جالعاستىرىپ، بىرلەسىپ كونسەرت پەن كورمەلەر وتكىزەمىز. ويتكەنى ءبىزدى بىرىكتىرەتىن ورتاق تۇستارىمىز كوپ.

ونەرسۇيەر قاۋىم اباي اتىنداعى مەملەكەتتىك وپەرا مەن بالەت تەاترىنىڭ ورىنداۋىندا اباي وپەرا قويىلىمىن تاماشالاي الادى. قىرعىز ۇلتتىق كوركەمونەر مۋزەيىندە قازاقستاننان اكەلىنگەن 70-تەن اسا بىرەگەي جادىگەر اكەلىنىپ، ءابىلحان قاستەيەۆ اتىنداعى قازاقستان ورتالىق ونەر مۇزەيى قورىنداعى سۋرەتتەر كورمەسى وتەدى. ەكسپوناتتار ۇلى دالا وركەنيەتىن قۇرعان كوشپەندىلەردىڭ مادەني داستۇرلەرىنىڭ ءتۇرلى تۇستارىن كورسەتەدى.

اۆتورلارى: باقىت چەرماشيەۆ

www.24.kz


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات