+7 (701) 759 90 19
USD 436.29 EUR 492.83
RUB 5.92 CNY 68.48
جاڭالىقتار

سينگاپۋردىڭ قاق ورتاسىندا قازاقتىڭ كيىز ءۇيى تىگىلدى

9 قازان 12:03
:ءبولىسۋ

نۇر- سۇلتان. قازاقپارات - سينگاپۋردىڭ قاق ورتاسىندا قازاقتىڭ كيىز ءۇيى تىگىلدى. ارال مەملەكەتتە قازاقستان تاۋەلسىزدىگىنىڭ 30 جىلدىعىنا ارنالعان قىزعالداقتار كورمەسى ءوتتى. جۇرت گۇلدەردى تاماشالاپ قويماي، قازاقتىڭ ءداستۇرى مەن مۋزىكاسىمەن دە جاقىن تانىستى.

سينگاپۋردەگى ەپيداحۋال ءالى دە كۇردەلى. كۇن سايىن كوروناۆيرۋس جۇقتىرعان ءۇش جارىم مىڭداي ناۋقاس انىقتالىپ ءجۇر. سوندىقتان تەك ۆاكتسينا سالدىرعان ادامدارعا كورمەگە كەلۋگە رۇقسات ەتىلدى. قىزعالداقتار جاڭا زەلانديادان اكەلىندى. الايدا كوبى وسى ادەمى گۇلدىڭ وتانى قازاقستان ەكەنىن بىلە بەرمەيدى.

فەليكس لوۋ، تابيعي ساياباقتىڭ باس ديرەكتورى:

- بۇعان دەيىن قىزمەتكەرلەرىمىزدىڭ ءبىرى قازاقستانعا بارىپ كەلىپ، قىزعالداقتار ورتالىق ازيا دالاسىندا جابايى گۇل رەتىندە وسكەنىن ايتتى. مۇنى كوبى بىلمەيدى. بوتانيكتەردىڭ پىكىرىنشە، ول كەيىن تۇركياعا اكەلىنىپ، 17 عاسىردا گوللاندىقتار ونى كوپتەپ وسىرە باستاعان.

قازاقستان تاۋەلسىزدىگىنىڭ 30 جىلدىعىنا ارنالعان كورمەگە سينگاپۋر ءمينيسترى يندراني رادجا دا كەلدى. بۇل ەل قازاقستانمەن قارىم- قاتىناستارىن جوعارى باعالايدى. ەلىمىز دەربەستىك الاردان بىرنەشە اي بۇرىن ەكى مەملەكەت باسشىلارى اراسىندا جاقسى بايلانىس ورناعان بولاتىن.

اركەن ارىستانوۆ قازاقستاننىڭ سينگاپۋردەگى توتەنشە جانە وكىلەتتى ەلشىسى:

- قازاقستان مەن سينگاپۋر اراسىنداعى قاتىناستار بارلىق سالادا قارقىندى دامىپ كەلەدى. ال ونىڭ باستاماسى وسىدان 30 جىل بۇرىن سينگاپۋردىڭ العاشقى پرەمەر- ءمينيسترى لي كۋان يۋدىڭ الماتىعا جاساعان تاريحي ساپارى كەزىندە قالاندى. سوندا ول قازاقستاننىڭ تۇڭعىش پرەزيدەنتى نۇرسۇلتان نازاربايەۆپەن كەزدەستى.

سينگاپۋردە العاش رەت قازاقتىڭ كيىز ءۇيى تىگىلدى. نۇر- سۋلتان شەبەرلەرى جاساعان قازاق ءۇيدى كورمەگە ۇشاقپەن جەتكىزدى. قازاقستاننىڭ تاعى ءبىر ءرامىزى - قوجا احمەت ياسساۋي كەسەنەسىنىڭ كوشىرمەسىن «شىعاناقتاعى باقشالار» اتتى الەمگە ايگىلى ساياباقتىڭ قىزمەتكەرلەرى جاساپ شىعاردى. بۇل ورىن جۇرت اراسىندا بىردەن تانىمال بولدى. كورمە قوناقتارى ۇلتتىق كىلەمدەردى تاماشالاپ، مۋزىكانتتاردىڭ ورىنداۋىندا قازاق اۋەندەرىن تىڭدادى. كورمە قازاننىڭ ون تورتىنە دەيىن جالعاسادى. ونى ەلدىڭ 200 مىڭداي تۇرعىنى تاماشالايدى.

www.24.kz



:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر

مۇراعات