نۇر- سۇلتاندا ەر ادام ايەل مەن وقۋشى قىزعا شابۋىلدادى

None
None
نۇر- سۇلتان. قازاقپارات - نۇر- سۇلتاندا 44 جاستاعى ايەل مەن 13 جاستاعى وقۋشى قىزعا شابۋىلداعان ەر ادام ءىزى سۋىماي قولعا ءتۇستى، دەپ حابارلايدى قازاقپارات.

نۇر- سۇلتان قالالىق پوليتسيا دەپارتامەنتى باسپا ءسوز قىزمەتىنىڭ حابارلاۋىنشا، وقيعا قوشقاربايەۆ كوشەسىندە بولعان. بەلگىسىز بىرەۋ كوشەدە كەتىپ بارا جاتقان ادامداردىڭ كوزىنشە ايەل ادامعا شابۋىلداعان. الدىمەن ول ايەلدىڭ قولىنداعى سومكەسىن تارتىپ الماق بولعان. سول ساتتە ايەل ايقاي سالىپ، اينالاسىنداعىلاردان كومەك سۇراعان. وسى كەزدە جاقىن ماڭدا كەتىپ بارا جاتقان ەر ادام ايەلدى توناماق بولعان بۇزاقىعا تاپ بەرگەن. توناۋشى سول ساتتە وقيعا ورنىنان ءىزىن سۋىتقان.

وقيعانىڭ كۋاگەرلەرى بولعان ءجايت تۋرالى «102» نومىرىنە حابارلاعان. الايدا باۋكەسپە وسى ارەكەتىن تاعى جالعاستىرعان. ول ەندى كوشەدە كەتىپ بارا جاتقان 13 جاستاعى وقۋشى قىزدىڭ ريۋكزاگىن تارتىپ العان. وقيعا ورنىنا بىردەن پوليتسيا ناريادى جەتتى. ءتارتىپ ساقشىلارى 36 جاستاعى ەر ادامدى قىلمىس بولعان ماڭنان ءىزىن سۋىتپاي ۇستادى. وسى وقيعالار بويىنشا «توناۋ» بابى نەگىزىندە قىلمىستىق ءىس قوزعالدى. ۇستالعان ادام قامالدى. زاتتاي ايعاقتار تاركىلەنىپ، يەسىنە قايتارىلدى. نۇر- سۇلتان قالاسىنىڭ ءتارتىپ ساقشىلارى قىلمىسقا نەمقۇرايلى قاراماي، ارەكەت ەتكەن ازاماتتارعا العىس بىلدىرەدى.

سوڭعى جاڭالىقتار