+7 (701) 759 90 19
USD 436.29 EUR 492.83
RUB 5.92 CNY 68.48
جاڭالىقتار

دوسحان جولجاقسىنوۆ: ماراپات ادامدى ءوسىرۋى دە، ءوشىرۋى دە مۇمكىن

8 قازان 17:21
:ءبولىسۋ
دوسحان جولجاقسىنوۆ: ماراپات ادامدى ءوسىرۋى دە، ءوشىرۋى دە مۇمكىن

الماتى. قازاقپارات - ماراپات ادامدى ءوسىرۋى دە، ءوشىرۋى دە مۇمكىن. مۇنداي پىكىردى قازاقستاننىڭ حالىق ءارتىسى، ەكى دۇركىن مەملەكەتتىك سىيلىقتىڭ يەگەرى دوسحان جولجاقسىنوۆ «وتان» وردەنىن سالتاناتتى تۇردە تابىس ەتۋ شاراسىندا ايتتى، دەپ حابارلايدى قازاقپارات ءتىلشىسى.

«مەن ءۇشىن بۇگىن- ەرەكشە كۇن. ەڭبەكتىڭ باعالانعانى ۇلكەن شارۋا. ماراپات كەيدە ادامدى ءوسىرۋى دە، ءوشىرۋى دە مۇمكىن. سوندىقتان اباي بولعان ابزال. دەسەكتە، وسىنىڭ ءبارى ەرتەڭگى كۇنىڭ باعىت- باعدارىنا سەبەبىن تيگىزەتىنىنە سەنگىم كەلەدى. جالپى، ونەر، مادەنيەت، ادەبيەت ادامىنىڭ جازعان، تۇسىرگەن، ايتقان دۇنيەلەرىن حالقى قۇرى ماقتاماي، ورنىمەن باعاسىن بەرىپ وتىرسا، ونەر ادامىنىڭ مەرەيى ۇستەم بولادى. ونەردىڭ تۇعىرى ول- شابىت. وعان كۇن، ءتۇن دەمەي ىزدەنۋىڭ كەرەك. وسىنىڭ ءبارى راحات ءومىر. بىرىنشىدەن، مەنىڭ تىرناق الدى دۇنيەلەرىمە ريزاشىلىق بىلدىرگەن، ءتۇسىنىپ قاراعان كورەرمەندەرىمە العىس ايتقىم كەلەدى»، - دەيدى دوسحان جولجاقسىنوۆ.

سونىمەن قاتار، ول بۇل جەتىستىگى جانىنداعى شىعارماشىلىق ادامدار مەن وتباسىنىڭ ارقاسى ەكەنىن جەتكىزدى.

«الەمدىك تەندەنسيادا كەز كەلگەن ۇلت، ءناسىل ءوزىنىڭ ءتولتۋمالىق تۇعىرىن ىزدەۋمەن كۇرەسىپ كەلەدى. بۇل قازىرگى عاسىردا ايقىن كورىنۋدە. بۇل جاڭا بەتبۇرىس دەپ تۇسىنەمىن. وسى بەتبۇرىس ءبىزدىڭ ەلدە ەرتەرەك باستالعانداي. ويتكەنى ەلباسىمىز ايتقان «رۋحاني جاڭعىرۋ»، قاسىم- جومارت توقايەۆتىڭ اباي تۋرالى اۋقىمدى ماقالاسى مۇنىڭ ءبارى بىزگە كۇش- قۋات بەرەدى. بۇگىنگى جەتىستىگىم جانىمداعى شىعارماشىلىق ادامدارىنىڭ ۇلەسى، ۇيدەگى جارىمنىڭ، بالالارىمنىڭ ۇلەسى دەپ بىلەمىن»، - دەدى «وتان» وردەنىن يەگەرى.

ايتا كەتەيىك، بۇل مارتەبەلى ماراپات تانىمال اكتەرگە ۇلتتىق مادەنيەتتى، كينەماتوگرافيانى جانە تەاتر ونەرىن دامىتۋداعى ايرىقشا ۇلەسى ءۇشىن قازاقستان رەسپۋبليكاسىنىڭ پرەزيدەنتى قاسىم- جومارت توقايەۆتىڭ جارلىعىمەن بەرىلدى.

بۇگىن الماتىدا مەملەكەتتىك حاتشى قازاقستاننىڭ حالىق ءارتىسى دوسحان جولجاقسىنوۆقا «وتان» وردەنىن سالتاناتتى تۇردە تابىس ەتتى.

اۆتور: الما مۇقانوۆا


:ءبولىسۋ
سونداي-اق... وقىڭىز
پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049

مۇراعات